Saray Bilang 13:33 - Maung A Balita Biblia

³³ tan akanengneng kami ni ingen na saray alan a kabyangan iray boleg nen Anak. Say pakanengneng mid sikamin dili et singa kami labat dorun; ontan met angangkoy pakanengneng dad sikatayo.”

Maung a Balita Biblia

³³ tan akanengneng kami ni ingen na saray alan a kabyangan iray boleg nen Anak. Say pakanengneng mid sikamin dili et singa kami labat dorun; ontan met angangkoy pakanengneng dad sikatayo.

Saray Bilang 13:33 Iomraidhean Croise

Genesis 6:4

Diad saraman ya agew, tan anggan diad saray ontombuk, wala ray alan a manaayam ed dalin ya anak ira na saramay magangganan bibii tan saramay anak na Dios. Sikaray matalonggaring a bayani tan bantug a lalaki nen saman a panaon.

1 Saray Awaran 11:23

Pinatey to met so sakey ya Egipsion baleg so laman to; masoluk a duaran mitroy kaatagey to, tan nanarmas na balbaleg a pika. Pinekpek to na baston, sinamsam toy pika to tan sikatoy impamatey to.

Isaias 40:22

Ginawa na samay manyodyorung ed trono to diad tagey na mundo tan labas na tawen; singa kamelag na gilata so nengneng da ray totoo diad leksab. Impanat ton singa kortina so tawen, singa sakey a tuldan panayaman.

Saray Bilang 13:22

Linma ran inmona ed abalaten na samay dalin tan akasabi ra ed Hebron a panaayaman na saray boleg di Ahiman, Sesai, tan Talmai, a kabyangan ira na poli na alan a tatawagen na Anakim. (Say Hebron et niletneg lan pitoy taon kasakbayan na inkiletneg na Zoan ed Egipto.)

Saray Bilang 13:28

Balet makapanyari ray totoon manaayam diman, tan ankakabaleg iray siudad diman tan aliber ira na padir. Say maoges ni, anengneng mi rad may kabyangay boleg na alan.

Saray Bilang 14:1

Sanlabin nanakis ed kaermenan iray totoo.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Deuteronomio 2:10

Nen saman nanayam ed Ar iray makapanyarin poli na alan a tatawagen ira na Emim. Ankakabaleg iran singa saray Anakim a sananey a poli na alan.

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

Deuteronomio 9:2

Atatagey iran totoo tan mabisbiskeg ira; alan ira, tan nadngelan yo ya anggapoy makalaban ed sikara.

Josue 11:21

Diad sayan panaon si Josue linma tan pinapatey to ray alan a tatawagen ira na Anakim a manaayam ira ed kapokdulan a dalin na Hebron, Debir, Anab, tan diad amin a kapokdulan a pasen na Juda tan Israel. Pinapatey iran amin nen Josue tan sigput ton dinederal iray siudad da.

Josue 14:12

Natan sirin, iter mod siak so kapokdulan a pasen ya insipan ed siak na Katawan diad samay agew na impangibaga miy anengneng mid impanispia mi. Imbaga mid sika a diad saman a baleg tan apaliberan na padir a siudad et wadman iray Anakim a poli ra na alan. Angangko olupen ak na Katawan et napataynan ko ra, onung na imbagay Katawan.”

Josue 15:14

Pinataynan nen Caleb iray kabyangay boleg nen Anak—saray boleg di Sesai, Ahiman, tan Talmai.

1 Samuel 17:24

Nen anengneng na saray Israelita si Goliat, kibatiktik irad takot,

1 Samuel 17:42

et nen anengneng to lan maung si David, binalaw to, ta sakey labat a balolakin maung so alagey to tan guapo.