Saray Bilang 13:31 - Maung A Balita Biblia

³¹ Balet saramay linman kaiba nen Caleb kuanda, “Andi, ag tayo ra man nasarag a totoo; mabiskeg ni ra nen say sikatayo.”

Maung a Balita Biblia

³¹ Balet saramay linman kaiba nen Caleb kuanda, Andi, ag tayo ra man nasarag a totoo; mabiskeg ni ra nen say sikatayo.

Saray Bilang 13:31 Iomraidhean Croise

Saray Bilang 13:30

Si Caleb pinareen to ray totoon manririklamo ed kinen Moises tan kuanto, “Dogpaan ti la natan iman a dalin tan dakepen tayo la; sarasarag tayon looban tan dakepen.”

Saray Bilang 32:7

Akin et pabebetelen yoy linawa da ray totood Israel ya ombaliw ed Jordan tan manayam ed dalin ya inter ed sikara na Katawan?

Saray Bilang 32:9

Linma ra ya anggad Patar na Escol tan anengneng da so dalin, balet nen pinmawil ira, pinabetel day linawa da ray totoo ya onloob ed dalin ya inter ed sikara na Katawan.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Deuteronomio 9:1

“Dengel kayo, sikayon totood Israel! Natad sayan agew ngalngali yo la baliwen so Ilog na Jordan tan panayaman so dalin a kayaryan na saray bansan ankabaleg tan makapanyari nen say sikayo. Ankakabaleg iray siudad da ya anggad tawen iray padir da.

Saray Hebreo 3:19

Kanyan nanenengneng tayo ya ag ira akaloob ed dalin ya insipay Dios, lapud ag ira anisia.

Josue 14:8

Balet saramay lalakin kaibak a nanispia pinatakot da ray totoo. Siak balet matoor kon inonur so Katawan a Dios ko.

1 Samuel 17:33

“Andi,” ebat nen Saul. “Panoy pilaban mod sikato? Ogaw ka ni, tan sikato et sondalo lan nanlapud ogaw ni!”