Saray Bilang 13:29 - Maung A Balita Biblia

²⁹ Diad niabalaten a parti na saman a dalin saray Amalecita so manaayam; diad kapokdulan iran pasen saray Heteo, Jebuseo, tan saray Amorreo so manaayam; tan diad gilig na Dayat na Mediteraneo tan diad gilig na Ilog na Jordan saray Cananeo so manaayam.”

Maung a Balita Biblia

²⁹ Diad niabalaten a parti na saman a dalin saray Amalecita so manaayam; diad kapokdulan iran pasen saray Heteo, Jebuseo, tan saray Amorreo so manaayam; tan diad gilig na Dayat na Mediteraneo tan diad gilig na Ilog na Jordan saray Cananeo so manaayam.

Saray Bilang 13:29 Iomraidhean Croise

Genesis 14:7

Insan ira amoliktar, pinmawil irad Cades (Enmispat nen saman), sinakop da ray amin a dalin na saray Amalecita, tan tinalo da ray Amorreo a manaayam ed Hazazontamar.

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Saray Salmo 83:7

saray taga Gebal, Ammon, tan Amalec; saray taga Filistia tan Tiro.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Saray Bilang 13:17

Nen imbaki ra nen Moises, inkuantod sikara, “Manlapud dia laka yod baybay insan kayo ontuloy ed abalaten na Canaan tan sabi yoy anggad nipokdul a pasen.

Saray Bilang 13:30

Si Caleb pinareen to ray totoon manririklamo ed kinen Moises tan kuanto, “Dogpaan ti la natan iman a dalin tan dakepen tayo la; sarasarag tayon looban tan dakepen.”

Saray Bilang 14:25

a saray patar et panaayaman natan na saray Amalecita tan saray Cananeo. Poliktar kayo nabwas ta laka yod kalawakan a mamaarap ed Dayat ya Akaba.”

Saray Bilang 14:43

No mibakal kayod saray Amalecita tan saray Cananeo, napatey kayo; ag kayo olupen na Katawan lapud ag kayo tinmoluk ed sikato.”

Saray Bilang 14:45

Insan saray Amalecita tan saray Cananeo a manaayam ed saraman a pasen dinogpaan da ra tan tinalo da ra, tan inosilan da ra ya anggad Horma.

Saray Bilang 24:20

Insan diad sayan nipasingayew ed kinen Balaam anengneng to ray Amalecita, tan imbalikas to yan propisiya: “Say Amalec so sankamakapanyarian nen saman ed amin a bansa. Balet diad kaonuran naderal ya anggad angga.”

Deuteronomio 20:17

Sigput yon pateyen iray amin a totoo: saray Heteo, saray Amorreo, saray Cananeo, saray Pereseo, saray Heveo, tan saray Jebuseo, onung na ingganggan ed sikayo na Katawan.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 10:5

Nanmomoyung ira yan limaran arari da ray Amorreo a salanti saray arari ed Jerusalem, Hebron, Jarmut, Lakis, tan Eglon, insan da niliktub so Gabaon, tan dinogpaan da.

Josue 10:6

Saray taga Gabaon impaikuandad kinen Josue a walad kampod Gilgal: “Ag mo kami kari ikakaindan! Gala dian tampol ta tulongan mo kami! Amin da ray arari ed nipokdul iran pasen et nanmomoyung ira tan dinogpaan da kami!”

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.

Josue 9:1

Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.

Saray Huis 3:5

Kanyan saray Israelita kaiba ran nanayam ed dalin iray Cananeo, saray Heteo, saray Amorreo, saray Pereseo, saray Heveo, tan saray Jebuseo.

Saray Huis 6:3

Kapag mantanem iray Israelita, dogpaan ira na saray Madianita a kaiba da ray Amalecita tan saray tribu ed kalawakan.

1 Samuel 14:48

Matalonggaring so impibakal to, tan tinalo to ray anggan saray Amalecita. Inyagel toy Israel ed amin da ray dinmodogpa.

1 Samuel 27:8

Diad legan to yan panaon, si David tan saray totoo to et dinodogpaan da ray totood Gesur, Girzi, tan Amalek, ya abayag la ran manaayam ed sarayan lugar. Dinodogpaan to ra lugar ya anggad Sur, tan anggad Egipto,

1 Samuel 30:1

Kalabas na duay agew, sinmabid Siclag si David tan saray totoo to. Dinogpaan na saray Amalecita so sagur na Juda tan say Siclag. Pinoolan day baley na Siclag,

1 Samuel 7:14

Nipawil ed Israel iray amin a siudad ya asamsam na saray Filisteo, saray siudad a walad nanleetay Ecron tan Gat, kanyan abawi na Israel so intiron dalin to. Anggapo met so kolkolan da ray Israelita tan saray Cananeo.