Saray Bilang 13:28 - Maung A Balita Biblia

²⁸ Balet makapanyari ray totoon manaayam diman, tan ankakabaleg iray siudad diman tan aliber ira na padir. Say maoges ni, anengneng mi rad may kabyangay boleg na alan.

Maung a Balita Biblia

²⁸ Balet makapanyari ray totoon manaayam diman, tan ankakabaleg iray siudad diman tan aliber ira na padir. Say maoges ni, anengneng mi rad may kabyangay boleg na alan.

Saray Bilang 13:28 Iomraidhean Croise

2 Samuel 21:16

Say sakey ya alan a manngaray Isbibenob, a sankaawit toy gansan pika a mambelat na apatiran kilo tan akasalukbit na balon ispada, abaloen ton napatey toy David.

Saray Bilang 13:33

tan akanengneng kami ni ingen na saray alan a kabyangan iray boleg nen Anak. Say pakanengneng mid sikamin dili et singa kami labat dorun; ontan met angangkoy pakanengneng dad sikatayo.”

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Deuteronomio 2:21

Singa kaatagey na saray Anakim so kaatagey da. Amayamay ira tan makapanyari ran poli. Balet dineral ira na Katawan, kanyan inala na saray Ammonita so dalin da tan nanayam irad man.

Deuteronomio 3:5

Amin da ra yan baley et apaliberan iray atatagey a padir, walaan ira na saray puirta, tan abalewetan ira na balatyang; wala met iray amayamay a barion anggapoy padir.

Josue 11:22

Anggapoy atilak ya Anakim ed dalin na Israel; balet wala ray pigaran atilak ed Gaza, Gat, tan Asdod.

Josue 14:12

Natan sirin, iter mod siak so kapokdulan a pasen ya insipan ed siak na Katawan diad samay agew na impangibaga miy anengneng mid impanispia mi. Imbaga mid sika a diad saman a baleg tan apaliberan na padir a siudad et wadman iray Anakim a poli ra na alan. Angangko olupen ak na Katawan et napataynan ko ra, onung na imbagay Katawan.”

Josue 15:14

Pinataynan nen Caleb iray kabyangay boleg nen Anak—saray boleg di Sesai, Ahiman, tan Talmai.

Saray Huis 1:20

Onung na ingganggan nen Moises, niiter so Hebron ed kinen Caleb ya amataynan ed siudad na taloran boleg a si Anak so sengeg da.