Saray Bilang 13:17 - Maung A Balita Biblia

¹⁷ Nen imbaki ra nen Moises, inkuantod sikara, “Manlapud dia laka yod baybay insan kayo ontuloy ed abalaten na Canaan tan sabi yoy anggad nipokdul a pasen.

Maung a Balita Biblia

¹⁷ Nen imbaki ra nen Moises, inkuantod sikara, Manlapud dia laka yod baybay insan kayo ontuloy ed abalaten na Canaan tan sabi yoy anggad nipokdul a pasen.

Saray Bilang 13:17 Iomraidhean Croise

Genesis 12:9

Manlapud man, tinmonda-tondan nanaayam ed nandoroman pasen ya anggad akasabid bandad abalaten a parti na Canaan.

Genesis 13:1

Manlapud Egipto linmay Abram ed bandad abalaten na Canaan a kaiba to si Sarai ya asawa to tan amin a kayaryan to; akilad sikato si Lot.

Genesis 13:17

Natan sirin, liber mo yan dalin, ta iter kod sikan amin.”

Genesis 13:3

Tinmaynan lamet diman tan nanalis-alis so nankampoan to ya anggad akasabid Betel. Insan asabi to may pasen a nanleetan na Betel tan Ai a nanayaman to nen saman

Genesis 14:10

Dakel diman iray maawang a bobun na alkitran, et nen ibabatikan day bakal ira may ari na Sodoma tan Gomorra naplag irad saraman a bobun, balet akabatik ed kapalandeyan ira may taloran ari.

Saray Bilang 13:18

Nengneng yo no anto man a dalin, pigaran totooy manaayam diman, tan no panoy kabiskeg da.

Saray Bilang 13:29

Diad niabalaten a parti na saman a dalin saray Amalecita so manaayam; diad kapokdulan iran pasen saray Heteo, Jebuseo, tan saray Amorreo so manaayam; tan diad gilig na Dayat na Mediteraneo tan diad gilig na Ilog na Jordan saray Cananeo so manaayam.”

Saray Bilang 14:40

Diad kabkabwasan ed ontombuk ya agew ginapwan dan looban iray kapokdulan a dalin. Inkuanda, “Akaparaan kami la natan ya onla ed pasen ya insipan ed sikatayo na Katawan. Birbiren mi a nankasalanan kami.”

Deuteronomio 1:44

Insan pinmaway a singa karakel na bayaung iray Amorreon manaayam ed saman a kapokdulan tan nilabanan da kayo. Inosilan da kayo ya anggad Horma tan tinalo da kayod kapokdulan a dalin na Edom.

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 15:3

tan mampaabalaten a manlapud Dalan na Akrabim tan ontuloy ya anggad Zin. Ondalan ed abalaten na Cades-barnea, labasan toy Hezron tan ontuloy ed Adar, insan onlikod Karka,

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.

Saray Huis 1:15

Inmebat si Acsa, “Rigaloan yo ak pa na dalin a walay sobul to. Samay inter yod siak a dalin ed bandad baybay et amaga tan araldalem so sobul.” Kanyan inter nen Caleb ed sikato so sobul ed bandad tulo tan leksab.

Saray Huis 1:9

Kayari to ya, linma ran akibakal ed saray Cananeon manaayam ed kapokdulan a bario, diad saray alusadsar na pokdul, tan diad saray patar ed abalaten