Saray Bilang 11:4 - Maung A Balita Biblia

⁴ Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: “Oy la komun ta makasira itayo la na karni!

Maung a Balita Biblia

⁴ Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: Oy la komun ta makasira itayo la na karni!

Saray Bilang 11:4 Iomraidhean Croise

Nehemias 13:3

Nen nadngel na saray totood Israel yan parti na Ganggan pinaekal dad olupan da iray amin a taga arum a bansa.

Saray Salmo 106:14

Nen wala rad kalawakan sinmabid sikara so alablabas a pilalek et sinubok day Dios.

Exodo 12:38

Dakerakel ya arum a totoo tan amayamay a karniro, kanding, tan baka so akilad sikara.

Exodo 16:12

“Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Saray Bilang 11:18

Ikuanmo natan ed saray totoo, ‘Linisan yo ray sikayon dili para nabwas; et nawalaan kayoy kanen yon karni. Say Katawan nadngel to kayon nantagleey ya imbaga yon makapangan kayo komun na karni tan maung niy kipapasen yo nen wala kayod Egipto. Say Katawan itdan to kayo la na karni a kanen yo.

Saray Bilang 14:1

Sanlabin nanakis ed kaermenan iray totoo.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 16:13

Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

1 CORINTO 10:6

Sarayan agawa et pamasakbay ed sikatayo, pian ag tayo pampilalekan iray bengatlan maoges, a singa impanpipilalek da,

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

Deuteronomio 9:22

“Impanpasnuk yo met so Katawan a Dios yo nen wala kayod Tabera, Masa, tan Kibrot-hattava.