Saray Bilang 11:23 - Maung A Balita Biblia

²³ “Wala sirin so ag ko nagawaan?” ebat na Katawan. “Ag mabayag nanengneng mo no kasi nasumpal so sinalitak odino andi!”

Maung a Balita Biblia

²³ Wala sirin so ag ko nagawaan? ebat na Katawan. Ag mabayag nanengneng mo no kasi nasumpal so sinalitak odino andi!

Saray Bilang 11:23 Iomraidhean Croise

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

2 Saray Arari 4:43

balet inmebat imay aripen, “Onduga ya kasin kanen na sanlasus a totoo?” Inmebat si Eliseo, “Isaklang mod sikara, ta imbagay Katawan a mangan ira, et wala niy nakeraan.”

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

Saray Salmo 78:41

Inolit-olit dan sinubok so Dios, tan impanpapasnuk da so Masanton Dios na Israel.

Exodo 6:1

Insan say Katawan kuantod kinen Moises, “Nanengneng mo natan no antoy gawaen kod ari. Pasooten ko ya abuloyan ton ontaynan iray totook. Diad tuay tua, piliten ko a dagdagen to ran taynan day bansa to.”

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Isaias 59:1

Ag yo nununoten a say Katawan et makapoy, kanyan ag to kayo nilaban odino telek, kanyan ag to kayo narengel no onkerew kayoy tulong!

Jeremias 14:9

Akin et singa ka toon abiglaan, singa sakey a sondalon ag makatulong? Andi-duaruwan wala kad sikami, Katawan! Sikami ray totoom; ag mo kami pa ikakaindan.’”

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 32:27

“Siak so Katawan, say Dios na amin a katoowan. Anggapoy antokaman a mairap ed siak.

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Daniel 6:20

Kasabi tod samay abut, mapagpagan kinmulyaot, “Daniel ya aripen na mabilay a Dios! Ayarian kan niagel ed saray lion na Dios a matoor mon panlilingkuran?”

Mikias 2:7

Abaloan mo a nisamba iray totood Israel? Naoput ta lay anos na Katawan? Gawaen to ta ra tay ibabagam? Ag ta marakep so panagsalita to ed saray manggagaway katunongan?”

Saray Bilang 11:22

Wala ra kasiy baka tan karniro a patasen ya ondugan kanen da? Duga kasin kanen da so amin a sira ed dayat?”

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Mateo 19:26

Ninengneng nen Jesus ira tan kuanto, “Ag nagawaan ya na too, balet nagawaan na Dios iray amin a bengatla.”

Mateo 24:35

Naandipat so tawen tan dalin, balet ag balut naandipat iray salitak.”

Lucas 1:37

Anggapoy ag nagawaan na Dios.”