Saray Bilang 11:17 - Maung A Balita Biblia

¹⁷ Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

Maung a Balita Biblia

¹⁷ Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

Saray Bilang 11:17 Iomraidhean Croise

Genesis 11:5

Inmakseb so Katawan, ta nengnengen toy siudad tan say tori ya impaalagey na saraman a totoo,

Genesis 17:22

Tinmaynan lay Dios nen asumpal ya akisalita ed kinen Abraham.

Genesis 17:3

Dinmakmomoy Abram ya anggad dalin so lupa to, insan inkuan na Dios.

Genesis 18:33

Kasumpal na Katawan ya akisalitad kinen Abraham, linma la tan sinmempet met lay Abraham.

2 Saray Arari 2:15

Anengneng na saramay limamplon propita a nanlapud Jerico si Elias tan kuanda, “Walad kinen Eliseo so pakayari nen Elias!” Nila ran inabet, dinmakmomo rad arap to

2 Saray Arari 2:9

Diad basil na ilog inkuanen Elias ed kinen Eliseo, “Ibagam no antoy labay mon gawaen kon para sika, kasakbayan a naala ak ya onlad tawen.” Inmebat si Eliseo, “Patawiran mo ak pa na babaleg a pakayarim, pian nayarian koy onsalat ed sika.”

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Exodo 18:18

Punawen moy sikan dili tan sarayan totoo. Ambelat yan tuloy a gawaen mon bukor.

Exodo 18:22

Panintinsiam ira ed amiy panaon. Sarayan huis iyakar dad sika iray ambelat a kaso, balet no anlemew a kaso sikara lay makaolay a manintinsia. Mamalemew yad sika, ta misakbatan irad sika.

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Exodo 19:20

Say Katawan inmakseb ed toktok na Palandey na Sinai tan tinawag tod man si Moises. Kinmalab ed toktok na palandey si Moises

Exodo 34:5

Say Katawan inmakseb diad panamegley na sakey a lorem, nanalagey diman a kaiba toy Moises, tan imbawag toy ngaran to a Yahweh.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 63:11

Balet kabebekta anunotan da ray apalabas ya agew nen Moises ya aripen na Katawan, tan tinepet da, “Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Joel 2:28

“Kayari to yan nagawa ibung kod balang sakey a too so ispirituk: ibawag na saray anak yon lalaki tan bibii so balitak; nawalaan na saray kogip iray mamatakken yon lalaki, tan makanengneng na pasingayew iray tobun-balo yo.

Saray Bilang 11:25

Insan inmakseb a walad lorem so Katawan tan akisalitad kinen Moises. Angala ed ispiritu ya inter tod kinen Moises tan inter tod sikara. Nen dinmapod sikara so ispiritu, ginapwan day inmeyag a singa saray propita, balet ag nambayag.

Saray Bilang 12:5

et say Katawan inmakseb a sakey a lusek a lorem, nanalagey ed lolooban na samay Tulda, tan tinawag to ra di Aaron tan Miriam. Inmasingger ira,

Saray Bilang 12:8

Kanyan misasalita ak ed sikato a lupa-lupaan; malinew so pisasalitak ed sikato aliwan diad masoliwet a panagsalita; anengneng to ni ingen so alagey ko! Akin et nitepel yo so nansalita na sumpad aripen kon Moises?”

Saray Bilang 27:18

Say Katawan kuantod kinen Moises, “Tawag moy Josue a lakin anak nen Nun, tan itapew mo ray liman ed olo to ta sikatoy lakin nayarian toy mangipangulo.

Saray Bilang 7:89

Nen linmoob ed Tulda si Moises ta mitongtong ed Katawan, nadngel toy Katawan a misasalitad sikato manlapud tagey na sakub na Kaban na Sipanan, diad nanleetan na duaran kirubin.

Juan 3:13

Anggapoy akakar ed tawen no ag say Anak na Too a linmeksab a nanlapud tawen.”

Juan 7:39

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

Saray Taga Roma 8:9

Balet ag ki la mambibilay onung ed inkanatural na too, no ag ingen onung ed linaway Ispiritu, no tuan manaayam so Ispiritu na Dios ed sikayo. Say toon andid sikatoy Ispiritu nen Cristo, ag kayaryan nen Cristo.

1 CORINTO 2:12

Aliwan ispirituy sankamundoan no ag ingen Ispiritu na Dios so inawat tayo, pian naamtaan tayo ray amin a panangaroy Dios ed sikatayo.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

Judas 1:19

Sikara yay totoon managgaway pansisian, minumundoy kabibilay da, tan ag manaayam so Ispiritu ed sikara.

1 Samuel 10:6

Biglad satan ya onloob ed sika so ispiritu na Katawan; mikasakey kan manggawa na gagawaen da, tan magmaliw kan doma a too.