Saray Bilang 11:12 - Maung A Balita Biblia

¹² Ag ko pinalsa odino inyanak ira! Akin et pagmaliwen mo ak a sakey ya umaasikasod sikara tan ampopoen ko rad taklay kon singa ra melag ya ogogaw ya anggad dalin ya insipan mon iter ed saray lalaki ra?

Maung a Balita Biblia

¹² Ag ko pinalsa odino inyanak ira! Akin et pagmaliwen mo ak a sakey ya umaasikasod sikara tan ampopoen ko rad taklay kon singa ra melag ya ogogaw ya anggad dalin ya insipan mon iter ed saray lalaki ra?

Saray Bilang 11:12 Iomraidhean Croise

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

2 Saray Arari 10:1

Wala ray pitomplon kabyangay boleg nen Acab a manaayam ed siudad na Samaria. Nansulat si Jehu tan impawitan toy kopia iray manoley ed siudad, saray manonan ombaley, tan saray manaasikasod saray kabyangay boleg nen Acab. Onyay tanul na sulat:

2 Saray Arari 10:5

Angipawit na sulat a para Jehu iray opisyal a makaoley ed palasio tan saray opisyal a makaoley ed siudad, pati saray manonan ombaley tan saray managasikasod saray kabyangay boleg nen Acab. Onyay tanul na sulat da: “Aripen mo kami, tan sipaparaan kamin manggawa na antokaman a labay mo. Balet ag mi gawaen ya ari so siopaman; gawam so isisipen mon sankaabigan.”

Exodo 13:11

“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo,

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 33:1

Say Katawan kuantod kinen Moises, “Taynan yo yan pasen, sika tan saray totoo ya impaway mod Egipto, ta laka yod dalin a sinambaan kon iter ed kinen Abraham, Isaac, tan Jacob tan diad saray kabyangay boleg da.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Juan 10:11

“Siak so maung a pastol. Say maung a pastol isaklang toy bilay to para saray karniro.

1 CORINTO 4:15

Ta anggan samplon liboy managbangat yon nipaakar ed pambibilay yon Cristiano, saksakey labat so ama yo. Ta diad pikakasakey yod Cristo Jesus anak ta kayo, diad panamegley na Maung a Balitan impupulong kod sikayo.

TAGA GALACIA 4:19

Inararon anak, lapud sikayo, maniirap ak lamet a singa biin manaanak, anggad katibokel nen Cristo ed sikayo.

Deuteronomio 1:31

tan diad kalawakan. Anengneng yo no panoy abig na impangyakar tod sikayo diad sayan pasen, singa sakey ya aman angawit na melag a lakin anak to.’

1 TESALONICA 2:7

anggaman a walay kanepegan min nadayew, lapud apostol kami nen Cristo. Balet inanosan mi kayo a singa panaanos na inan mangaasikasod saray anak to nen wadtan kamid sikayo.