Saray Bilang 10:9 - Maung A Balita Biblia

⁹ No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

Maung a Balita Biblia

⁹ No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

Saray Bilang 10:9 Iomraidhean Croise

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

2 Saray Awaran 13:14

Ninmengneng iray taga Juda ed kaliber-liber da et naimano ra ya aliktub la ra. Tinmawag irad Katawan na tulong, tan pinaknul na saray papari iray trumpita.

Saray Salmo 106:4

Nunot mo ak pa, Katawan, no tulongan mo ray totoom; ag mo ak met lilingwanan no ilaban mo ra.

Saray Salmo 106:42

Pinapairap ira na saray kalaban da, tan sigput da ran inoleyan.

Saray Salmo 136:23

Ag to itayo nilingwanan nen atalo itayo; andi-anggaan so panangaro to;

Isaias 18:3

Dengel kayo, amin yon manaayam ed tapew na dalin. Nengneng yoy tandan bandiran nipaalagey ed saray toktok na palandey! Dengel yoy itanul na trumpita!

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 4:21

Kapigan mangangga so nepeg kon pangimatun ed sulit na bakal tan say pandengel koy tanul na trumpita?

Jeremias 4:5

Paknul yod intiron dalin na Juda so trumpita! Eyag kayoy maksil tan malinew! Ibaga yod saray totood Juda tan Jerusalem ya ombatik irad saray siudad ya aliber na padir.

Jeremias 49:2

Balet onsabiy oras a parengelan ko na ingal na bakal iray totoo ed siudad na Rabba, tan nataynan ya aderal-deral tan apoolan iray bario to. Diad satan say Israel nabawi tod saray angala so dalin to.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”

Ezekiel 7:14

Napapaknul so trumpita, tan mampaparaan so balang sakey. Balet anggapoy anggan sakey ya onlad bakalan, ta ondapon para-para ed balang sakey so pasnuk na Dios.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Sofonias 1:16

sakey ya agew ya apaknul iray trumpitan manawag na bakal, tan maneyaeyag iray sondalon ondodogpad saray padir na siudad tan saray atatagey a tori.

Saray Bilang 31:6

Si Moises imbaki to ran mibakal diad panangipangulo nen Finees a lakin anak nen Eleazar a pari, tan sikatoy makaoley ed saray masanton bengatla tan saray trumpita a mangiter na saray tanda.

1 CORINTO 14:8

Tan no aliwan malinew so panawag na trumpita, siopay mamparaan a mibakal?

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Josue 6:5

Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

Saray Huis 10:12

saray Sidonia, saray Amalecita, tan saray Maonita, insan kayo tinmawag ed siak. Ag ta kayo ta inliktar ed sikara?

Saray Huis 10:8

Labinwaloy taon a pinapairap tan pinapasegsegang da ray amin ya Israelitan manaayam ed bansa na saray Amorreo diad bokig na Ilog na Jordan diad Galaad.

Saray Huis 2:18

Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.

Saray Huis 3:27

Nen sinmabid man ed kapokdulan na Efraim, pinaknul toy trumpita a panawag ton mibakal iray lalakin Israelita; impangulo to ran inmakseb a nanlapud saray kapokdulan.

Saray Huis 6:34

Inoleyan na ispiritu na Katawan si Gedeon, et pinaknul toy trumpita a panawag ton ontombuk ed sikato iray lalakin kabyangay boleg nen Abiezer.

Saray Huis 6:9

Inyagel ta kayod saray Egipsio tan saray totoon linmalaban ed sikayod sayan dalin. Legan na pankukurang yo, pinataynan ko ra tan inter kod sikayo so dalin da.

1 Samuel 10:18

tan inkuantod sikara, “Say Katawan, say Dios na Israel, kuanto, ‘Siak so angipaway ed sikayo ed Egipto, tan angyagel ed sikayod saray Egipsio tan diad saray arum a totoon nampapairap ed sikayo.