Saray Bilang 10:29 - Maung A Balita Biblia

²⁹ Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Maung a Balita Biblia

²⁹ Si Moises kuantod kinen bayaw ton si Hobab a lakin anak nen Jetro a taga Madian, Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.

Saray Bilang 10:29 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Genesis 32:12

Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.”

Saray Salmo 100:1

Kantaan yo so Katawan, amin yon pinalsa ed intiron mundo!

Saray Salmo 34:8

Nengneng mon dili so ontan lan kaabigay Katawan. Maliket iray totoon onsasalimbeng ed sikato.

Saray Salmo 95:1

Dago kayo, ta idayew tayoy Katawan! Lapud liket mankanta tayo ed Dios a mangyaagel ed sikatayo!

Exodo 18:1

Say katolangan nen Moises a si Jetro a pari na Madian et nadngelan toy amin a ginawa na Dios a Katawan ed kinen Moises tan diad saray Israelita nen impaway to ran manlapud Egipto.

Exodo 18:12

Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.

Exodo 18:27

Pinasiput nen Moises si Jetro, insan sinmempet lay Jetro.

Exodo 2:18

Nen sinmempet ira may bibii, si Jetro ya ama ra tinepet tod sikara, “Akin et asaksakbay kayon sinmempet natan?”

Exodo 2:21

Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Exodo 3:1

Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Jeremias 50:5

Tepeten da no iner so dalan ya ompogtad Sion, insan irad man onla. Misipanan ira na andi-anggaan ed siak tan ag dan balut la deralen.

Saray Bilang 10:28

Sikato ya sirin so oksuy na kurang da ray Israelita kapag iyalis day kampo; agrupo-grupo ran mankurang.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Saray Gawgawa 7:5

Ag initday Dios na anggan sankarangan a dalin dia, balet insipan ton magmaliw lamlamang a kayaryan to tan saray kabyangay boleg to. Nen insipan ya na Dios, anggapo niy anak nen Abraham.

Deuteronomio 30:5

pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Saray Huis 1:16

Saray Cineo a kabyangay boleg na katolangan nen Moises et akila rad saray totoo nen Juda manlapud Jerico, say siudad na saray kiew a palmira, ya anggad kalawakan na Juda diad abalaten na Arad. Nanayam irad man a kaiba da ray Amalecita.

Saray Huis 4:11

Legan to ya inlira nen Heber a Cineo so tulda to ed asingger ed Kedes, diad abay na kiew a logo diad Zananim. Inarawian nen Heber iray kapara ton Cineo a kabyangan iray boleg nen Hobab a bayaw nen Moises.

1 Samuel 15:6

Pinasakbayan da ray Cineo, “Taynan kayo pian ag mi kayo napipatey, ta kinasian yo ray Israelita nen ontataynan irad Egipto.” Kanyan tinmaynan iray Cineo.