Saray Bilang 10:10 - Maung A Balita Biblia

¹⁰ Ontan met diad saray agew a panliliket yo—diad saray Pista na Balon Bulan tan arum ni ran niganan pista—paknul yo ra yan trumpita no isaklang yo la ray bagat yon popoolan tan saray bagat a para kareenan. Diad satan tulongan ta kayo. Siak so Katawan a Dios yo.”

Maung a Balita Biblia

¹⁰ Ontan met diad saray agew a panliliket yodiad saray Pista na Balon Bulan tan arum ni ran niganan pistapaknul yo ra yan trumpita no isaklang yo la ray bagat yon popoolan tan saray bagat a para kareenan. Diad satan tulongan ta kayo. Siak so Katawan a Dios yo.

Saray Bilang 10:10 Iomraidhean Croise

2 Saray Arari 4:23

“Akin et natay iyakar mod sikato?” tepet na samay asawa to. “Aliwan Agew na Panagpainawa natan tan aliwa met a Pista na Balon Bulan.” “Andi bali,” ebat to.

1 Saray Awaran 15:24

Saray paparin di Sebanias, Josafat, Natanael, Amasias, Zacarias, Benaya, tan Eliezer et apili ran mamaknul na trumpita ed arap na Kaban na Sipanan. Di Obed-edom tan Jehias et apili met iran guardia na Kaban na Sipanan.

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

1 Saray Awaran 16:42

Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.

2 Saray Awaran 29:26

a singa saray kagawaan na musika ya inkakana ra nen Ari David. Nanalagey met irad may papari a wala ray trumpita ra.

2 Saray Awaran 29:28

Akibiang so balang sakey ed impangigalang ed Katawan tan nituloy so pankakanta tan pantotogtog ya anggad apoolan ya amin ira may imbagat.

2 Saray Awaran 7:6

Nanalagey iray papari ed angipasenan ed sikara tan nanalagey met iray Levita a sankaarap da ra. Saray Levita indadayew day Katawan diad impantotogtog dad saray kagawaan na musika ya inter nen Ari David tan kinakanta ra may imno, “Andi-anggaan so Panangaro to!” onung na ingganggan nen David ed sikara. Pinaknul na saramay papari iray trumpita tan nanalagey iray totoo.

Esdras 3:10

Nen ginapwan da lan iletneg so pundasion na Timplo, linmad pasen da iray paparin akasulong na saray kawes da tan akabemben ira na saray trumpita. Wadman met iray Levitan kabyangay boleg nen Asaf tan akabemben ira na saray piangpiang. Indayew day Katawan onung ed saray bilin ya impaakseb nen Ari David.

Saray Salmo 150:3

Idayew yo diad pamaknul yod saray trumpita. Idayew yo diad panogtog yod saray arpa tan lira.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.

Saray Salmo 81:4

Sikato yay ganggan ed Israel, sikato yay bilin na Dios nen Jacob.

Saray Salmo 89:15

Agaylay liket da ray totoon mangigagalang ed sika diad panamegley na saray kanta, saray mambibilay onung ed panangasim!

Exodo 28:29

“No onloob si Aaron ed Masanton Pasen, isolung to so apis na pagew ya akaitatakan na kangaranan na saray boleg na Israel, pian siak a Katawan et nanunotan ko lawas iray totook.

Exodo 30:16

Alam ira yan kuarta ed saray Israelita tan igastos mo ed panasikaso ed Tuldan Ayamay Katawan. Sayan buis sikatoy bayar a panondon na bilay da, et ag ko ra lingwanan ya iyagel.”

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Saray Bilang 10:9

No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

Saray Bilang 28:11

Iyapay yod Katawan so bagat a popoolan diad ononan agew na kapag bulan: duaran malangwer a bakan kalakyan, sakey a karniron kalakyan, pitoran sakey taon a kordiron kalakyan; nepeg ya anggapoy deral na laman da.

Saray Bilang 29:1

Diad ononan agew na kumapiton bulan, nepeg a mantitipon kayon mangigalang ed Dios tan ag kayo mankikimey. Diad satan ya agew paknulen iray trumpita.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.

1 CORINTO 15:52

diad sakey a bekta, diad kakirem labat, no ontanul lay kaonuran a trumpita. Katanul na trumpita, saray inaatey paolien irad bilay tan ag la ra ompatey. Naoman itayon amin,

1 TESALONICA 4:16

Diad satan ya agew, say dilin Katawan onakseb a manlapud tawen a kabansag toy sakey a nieyag a ganggan, bosis na arkanghil, tan say tanul na trumpitay Dios. Saray inaatey a mananisiad Cristo onona ran onolid bilay.

1 TESALONICA 4:18

Kanyan manliligliwaan kayo diad panamegley na sayan bangat.

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.”

Josue 6:4

Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

1 Samuel 20:5

Inmebat si David, “Nabwas et Pistay Balon Bulan; nepeg a mirongo ak ed ari. Balet abuloyan mon onla ak ya onamut ed alog, anggad labi na kumatlon agew.