Saray Bilang 1:53 - Maung A Balita Biblia

⁵³ Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”

Maung a Balita Biblia

⁵³ Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.

Saray Bilang 1:53 Iomraidhean Croise

1 Saray Awaran 23:32

Sikaray makaoley a mangasikasod Tuldan Ayamay Katawan tan say Timplo. Sikara met so ontulong ed saray kakanayon dan papari a kabyangay boleg nen Aaron, diad panangigalang ed dalem na Timplo.

2 Saray Awaran 13:10

“Balet, sikami, mansiasiansia kamin manlilingkur ed Katawan a Dios mi tan ag mi inkaindan. Saray papari a say sengeg da et si Aaron so manlilingkur ed Katawan tan tutulongan ira na saray Levita.

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

Jeremias 23:15

“Kanyan sirin, siak, say Katawan a Makapanyarin-amin, kuanko nipaakar ed saray propita ed Jerusalem: Pakanen ko ray ampait a tanaman, tan painomen ko ra na samal a danum, lapud inkayat dad intiron dalin so kaogsan.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Saray Bilang 1:50

Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

Saray Bilang 1:54

Sinumpal sirin na saray Israelita iray amin ya ingganggan na Katawan ed kinen Moises.

Saray Bilang 16:46

et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

Saray Bilang 16:9

Leleglemewen yo so impangibiig ed sikayo na Dios na Israel ed saray arum ya Israelita, pian makaasingger kayod sikato, nagawaan yoy kimey yo ed Tuldan Ayamay Katawan, tan makapanlingkur kayo ed saray katoowan?

Saray Bilang 17:7

Insan si Moises inyan tod dalem na Tulda ira may amin a baston diad arap na Kaban na Sipanan na Katawan.

Saray Bilang 2:17

Diad pangyalis ed Tulda saray Levita so manawit a pegleyen ira na saramay ononan duaran olupan tan saray duaran samput ya olupan. Diad ikurang da balang olupan mansiansia ed gendat ya oksuy tod kampo diad silong na dilin bandira to.

Saray Bilang 3:23

Sayan boleg et nepeg a mankampo ed sagur diad beneg na Tulda.

Saray Bilang 3:29

Sayan boleg et nepeg a mankampo ed abalaten na Tulda.

Saray Bilang 3:35

Sayan boleg et nepeg a mankampo ed baybay na Tulda. Si Zuriel a lakin anak nen Abihail so pangulo na sayan boleg.

Saray Bilang 3:38

Si Moises tan si Aaron tan saray anak ton lalaki et nepeg a mankampo ra ed bokig diad arap na Tulda. Sikaray makaoley ed amin a kimey a susumpalen ed loob na Masanton Pasen para saray Israelita. Likud ed sikara pateyen so siopaman a manggawa na susumpalen na pari.

Saray Bilang 31:30

Diad betang da ray totoo, mamawas ka na sakey a priso ed kapag limamplo; ontan met so gawaen mod saray baka, asno, karniro, tan kanding. Iter mo rad saray Levita a makaoley ed Tulda na Katawan.”

Saray Bilang 31:47

Diad sayan betang amawas si Moises na sakey a priso ed kapag limamplo; onya met so ginawa tod saray ayayep. Onung ed ganggan na Katawan, inter to rad saray Levita a makaoley irad Tulda na Katawan.

Saray Bilang 8:19

Ipalimak ed kinen Aaron tan saray anak to iray Levita a rigalon nanlapud saray Israelita, ta sikaray ontulong ed kimey ed Tulda para saray totood Israel tan sikaray mangyagel ed saray Israelita ed antokaman a doknal a nasagmak da no onasingger iran tuloy ed Masanton Pasen.”

2 Timoteo 4:2

ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.

1 Samuel 6:19

Pinatey na Katawan so pitomplon lalaki a taga Bet-semes, ta ninengneng day dalem na Kaban na Sipanan. Nanermen iray totoo lapud impamatey na Katawan ed saray dakerakel a totoon kabandaan da.