Santiago 2:2 - Maung A Balita Biblia

² Bilbilang: linmoob ed tipon yo so toon mayaman ya akasingsing na balituk tan akakawes na mabmabli, insan linmoob met so toon mairap-bilay ya apilatpilat so kawes to.

Maung a Balita Biblia

² Bilbilang: linmoob ed tipon yo so toon mayaman ya akasingsing na balituk tan akakawes na mabmabli, insa linmoob met so toon mairap-bilay ya apilatpilat so kawes to.

Santiago 2:2 Iomraidhean Croise

Genesis 27:15

Inala nen Rebeca so walad abung a sankaabigan a kawes nen Esau, insan to insolung ed kinen Jacob.

Ester 3:10

Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

Ester 8:2

Inekal na ari imay singsing ton panagtimbri (a binawi tod kinen Haman) tan inter tod kinen Mardokeo.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Lucas 23:11

Si Herodes tan saray sondalo to niludlurey tan pinapabaingan day Jesus. Sinolungan day marakep a kawes, insan da impawil ed kinen Pilato.

Santiago 2:3

No asikasoen yo may mabmabliy kawes to tan kuanyo: “Yorung ki diad sankamaungan a yorungan,” balet kuanyod samay mairap-bilay, “Alagey ka lad tan, o yorung kad mad sokung,”