Ruth 4:4 - Maung A Balita Biblia

⁴ et inisip ko a nakaukolan ya ipaamtak ed sika. Natan sirin, no labay mon saliwen, saliw mo diad arap da ra yan totoo ya akayorung dia. Balet no ag mo labay, ibagam, ta say ononan nepeg a manaliw et sika, insan siak.” Inkuan na samay laki, “Saliwen ko.”

Maung a Balita Biblia

⁴ et inisip ko a nakaukolan ya ipaamtak ed sika. Natan sirin, no labay mon saliwen, saliw mo diad arap da ra yan totoo ya akayorung dia. Balet no ag mo labay, ibagam, ta say ononan nepeg a manaliw et sika, insan siak. Inkuan na samay laki, Saliwen ko.

Ruth 4:4 Iomraidhean Croise

Genesis 23:11

“On, iter kod sika may ongib tan pati samay alog a kawalaan to. Diad arap da ray kakanayon ko, iter kod sika pian nipompon moy asawam.”

Genesis 23:18

Binirbir na amin da ra may Heteo ya akaimatun ed tongtongan a kayaryan la nen Abraham iman a pasen.

Jeremias 32:25

Balet, Katawan a Dios, sikay angiganggan ed siak a saliwen ko may alog diad arap da ray tasi, anggaman a ngalngali la nadakep na saray taga Babilonia so siudad.”

Saray Taga Roma 12:17

Ag kayo ombabales na maoges ed toon nanggaway maoges ed sikayo. Gawa yoy antokaman ya ipapasen a maung na amin a totoo.

2 CORINTO 8:21

Say getma mi et say panggaway maptek, aliwan diad pakanengneng na Katawan labat, no ag dia met ed pakanengneng na too.

Deuteronomio 25:8

Diad satan saray pangulo na baley paawit da may laki ta pitongtongan da. No ag to ni labay ya asawaen imay ayro to,

FILIPOS 4:8

Kaonuran ni, agagi, nepeg a pinunot yo ray bengatlan maabig tan nepeg ya itanduro: saray matwa, masimpit, maptek, malinis, makaayayat, tan mapagalang.

Ruth 2:20

Inkuanen Noemi ed sikato, “Si Booz bindisionan komun na Katawan, say Katawan a manusumpal lawas na saray sipan tod saray mabilay tan saray inatey.” Intuloy ton inkuan, “Saman a too et kanayon tayo ni. Sikatoy sakey ed saray nepeg a manayakop ed sikata.”

Ruth 3:12

Tua ya asingger ak a kanayon mo, tan nepeg ya asikasoen ta ka; balet wala niy sakey a lakin lalon asingger a kanayon mo nen say siak.

Ruth 3:9

Tinepet to, “Siopa ka?” Inmebat, “Siak si Ruth a mugmon aripen mo. Lapud asingger kan kanayon, nepeg moy manayakop ed siak. Kanyan kerewen kon asawaen mo ak.”