Ruth 4:13 - Maung A Balita Biblia

¹³ Kanyan inasawa nen Booz si Ruth, insempet to insan to inakdulan. Insan inyabuloy na Katawan a manlokun tan nananak na sakey a laki.

Maung a Balita Biblia

¹³ Kanyan inasawa nen Booz si Ruth, insempet to insan to inakdulan. Insan inyabuloy na Katawan a manlokun tan nananak na sakey a laki.

Ruth 4:13 Iomraidhean Croise

Genesis 20:17

Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

Genesis 29:31

Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes.

Genesis 30:2

Akapasnuk si Jacob ed kinen Raquel tan inkuanto, “Dios ak sirin? Say Dios, aliwan siak, so makasengeg na ag mo pananak.”

Genesis 33:5

Nen anengneng nen Esau ira may bibii tan saramay ogogaw, tinepet to, “Siopa ra yay kaibam?” Inmebat si Jacob, “Sikara yay ogogaw ya inter na Dios ed siak lapud panangaro to.”

Saray Salmo 113:9

Papagalangan tod abung, na asawan anggapoy anak; paliliketen to diad pangiter to ray anak ed sikato. Idayew yoy Katawan!

Saray Salmo 127:3

Rigalo na Katawan iray anak; petepeteg iran tumang.

Ruth 3:11

Ag ka mapaga, Ruth. Gawaen koy amin a kerewen mo, ta kabat na amin ya ombaley a masimpit kan bii.

Ruth 4:12

Saray anak ya iter na Katawan diad panamegley na sayan bii et gawaen da komun so pamilyam a singa pamilya nen Fares, say anak di Juda tan si Tamar.”

1 Samuel 1:27

Inebatan na Katawan so pikakasik tan sayan ogaw so inter tod siak.

1 Samuel 2:5

Saray totoon daakan so kakanen da nen saman miuupa la ra natan a mananap na nakan, balet aliwa lan narasan iray anggapoy nakan nen saman. Say biin lepes nananak na pitora, balet anggapoy nakdaan ya anak na biin maanak.