Ruth 4:10 - Maung A Balita Biblia

¹⁰ Sakey ni, magmaliw lan asawak so balo nen Mahalon a si Ruth a Moabita. Lapud saya, mansiansiay alog ed pamilya nen Mahalon, tan mansiansia so ngaray pamilya to ed saray kakanayon to tan diad baley ton nianakan. Sikayo natan iray tasi ed saya.”

Maung a Balita Biblia

¹⁰ Sakey ni, magmaliw lan asawak so balo nen Mahalon a si Ruth a Moabita. Lapud saya, mansiansiay alog ed pamilya nen Mahalon, tan mansiansia so ngaray pamilya to ed saray kakanayon to tan diad baley ton nianakan. Sikayo natan iray tasi ed saya.

Ruth 4:10 Iomraidhean Croise

Genesis 29:27

Manalagar ka na sakey simba. Asumpal lad satan so ponsia, insan iter kod sikay Raquel, no manlingkur ka nid siak na pitoy taon.”

Genesis 38:9

Balet amta nen Onan ya ag nibilang iran anak to iray nailalak to, kanyan kapag miakdul ed kinen ayro to, iyibung tod dalin so bini to, pian ag nawalaay anak si agi to.

Saray Salmo 109:15

Say Katawan nanunotan ton naynay komun iray kasalanan da, balet sikaran dili et sigput komun a nalingwanan ira diad tapew na dalin.

Saray Salmo 34:16

balet sumpad saray managgaway kaogsan, kanyan no ompatey ira, sigput la ran nalingwanan.

Probirbio 18:22

Say toon akalmo na maung ya asawa to akarumog na maung a bengatla; ipapanengneng na saya a maung so linawa na Katawan ed sikato.

Probirbio 19:14

Say sakey a laki nayarin natawir tod atateng to so abung tan kuarta, balet say Katawan labat so makaiter ed sikato na makalakal ya asawa.

Isaias 48:19

Singa la komun karakel na buer so karakel na saray kabyangay boleg yo, tan andi-duaruwa komun ya ag ko ran balut impapatey.”

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Oseas 3:2

Kanyan sinaliw ko may asawak na labinliman pilak a kuarta tan anemiran sakon a sibada.

Zacarias 13:2

Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Malakias 2:14

Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

TAGA-EFESO 5:25

Lalaki, aro yoy kaasawaan yo, a singa panangaro nen Cristo ed iglisia. Inter ton para iglisia so bilay to.

Deuteronomio 25:6

Say pangulowan ya anak dan laki et nipasen ya anak na samay inatey, pian mansiansian kabyangan na Israel so pamilya to.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Josue 7:9

Narengelan yan andi-saew na saray Cananeo tan amin a totoo ed bansa. Liktuben da kami tan pateyen day balang sakey ed sikami! Antoy gawaen mod satan a pangyagel mod kagalangan mo?”

Ruth 4:9

Insan inkuanen Booz ed saramay panguloy baley tan saray arum a totood man, “Sikayo ray tasi natan ya asaliw ko lad kinen Noemi iray amin a kayaryan nen Elimelec a tinawir di Kelion tan Mahalon.