Ruth 2:6 - Maung A Balita Biblia

⁶ Inmebat may laki, “Aliwan taga dia tan a bii. Kaiba nen Noemi a nanlapud Moab.

Maung a Balita Biblia

⁶ Inmebat may laki, Aliwan taga dia tan a bii. Kaiba nen Noemi a nanlapud Moab.

Ruth 2:6 Iomraidhean Croise

Genesis 15:2

Balet inkuanen Abram, “Katawan a DIOS, antoy kaabigan ya iter ed siak na tumang mo, anta anggapo met so anak ko. Si Eliezer labat a taga Damasco so tumatawir ko.

Genesis 24:2

Inkuantod sankatakkenan ya aripen to a makaoley ed amin a kayaryan to, “Iyan moy limam ed nanleetan na saray ulpok tan mansamba ka.

Genesis 39:4

Makaliliket ed sikato si Potifar, kanyan ginawa to a dilin aripen to. Impasen ton inkargado na abung to tan amin a kayaryan to.

Mateo 20:8

“Nen onsisironget la, samay akankaubasan tinawag toy inkargado to tan inkuanto, ‘Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.’

Mateo 24:45

“Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Ruth 1:16

Inmebat si Ruth, “Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

Ruth 1:19

Intuloy dan dua sirin so panaakar da ya anggad insabi rad Betlehem. Kasabi rad man, nikelawan ya amin iray ombaley, tan inkuan na saray bibii, “Si Noemi!”

Ruth 1:22

Onya sirin so impawil nen Noemi a nanlapud Moab a kaiba toy manugang ton si Ruth a Moabita. Sinmabi rad Betlehem nen kagapoy panagani na sibada.

Ruth 2:5

Tinepet nen Booz ed manonad saray manaani, “Anton pamilya so nanlapwan na satan a malangwer a bii?”

Ruth 2:7

Kinerew tod siak a tombuken to ray manaani, ta mantortor. Mantotortor nanlapu lad kabkabwasan ya anggad natan. Mampapainawa labat ya agano ed silong na alolung.”