Ruth 2:20 - Maung A Balita Biblia

²⁰ Inkuanen Noemi ed sikato, “Si Booz bindisionan komun na Katawan, say Katawan a manusumpal lawas na saray sipan tod saray mabilay tan saray inatey.” Intuloy ton inkuan, “Saman a too et kanayon tayo ni. Sikatoy sakey ed saray nepeg a manayakop ed sikata.”

Maung a Balita Biblia

²⁰ Inkuanen Noemi ed sikato, Si Booz bindisionan komun na Katawan, say Katawan a manusumpal lawas na saray sipan tod saray mabilay tan saray inatey. Intuloy ton inkuan, Saman a too et kanayon tayo ni. Sikatoy sakey ed saray nepeg a manayakop ed sikata.

Ruth 2:20 Iomraidhean Croise

2 Samuel 2:5

angibakid man na pigaran lalaki tan impaikuanto: “Bindisionan kayo komuy Katawan lapud impangipanengneng yoy inkatoor yod Saul ya ari yo diad impangipompon yod sikato.

2 Samuel 9:1

Aminsan ya agew tinepet nen David, “Wala niy atilak kasin kabyangay pamilya nen Saul? No wala ni, labay kon kasian makasengeg ed kinen Jonatan.”

Say Libro nen Job 19:25

Balet amtak a walad tawen so sakey a manangyagel ko, onsabid kaonuran a mangyagel ed siak.

Probirbio 17:17

Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

Levitico 25:25

No mairap so bilay na sakey ya Israelita tan apilitan ya angilako na dalin to, say sankaasinggeran a kanayon to so manondon.

FILIPOS 4:10

Agaylay liket kod Katawan, ta nayarian yo lamet ya ipanengneng so panangisakit yod siak, kalabas na abayag a panaon. Tuan peteg a pinunot yo ak, satan labat ta abayag ya anggapoy pankanawnawa yon ontulong.

Ruth 2:21

Insan inkuanen Ruth, “Imbaga to ni ingen ed siak a mantortor ak a kaibak iray kumikimey to, anggad kayariy panagani.”

Ruth 3:12

Tua ya asingger ak a kanayon mo, tan nepeg ya asikasoen ta ka; balet wala niy sakey a lakin lalon asingger a kanayon mo nen say siak.

Ruth 4:14

Inkuan na saray bibii ed kinen Noemi. “Nagalang komun so Katawan! Inyabuloy natan na Katawan a nawalaan kay apo a manasikasod sika. Magmaliw komun a bantug yan ogaw ed Israel!

Ruth 4:4

et inisip ko a nakaukolan ya ipaamtak ed sika. Natan sirin, no labay mon saliwen, saliw mo diad arap da ra yan totoo ya akayorung dia. Balet no ag mo labay, ibagam, ta say ononan nepeg a manaliw et sika, insan siak.” Inkuan na samay laki, “Saliwen ko.”

Ruth 4:6

Inkuanto may laki, “No ontan, ag ko nagawaay nepeg kon gawaen, ta ompan nadaisetan so tawiren da ray dilin anak ko. Sika lay manggaway nepeg kon gawaen; nayarian mo lan saliwen so alog.”