Ruth 2:2 - Maung A Balita Biblia

² Aminsan ya agew inkuanen Ruth a Moabita ed kinen Noemi, “Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato.” Inmebat si Noemi, “On, anak ko, laka.”

Maung a Balita Biblia

² Aminsan ya agew inkuanen Ruth a Moabita ed kinen Noemi, Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato. Inmebat si Noemi, On, anak ko, laka.

Ruth 2:2 Iomraidhean Croise

Genesis 32:6

Nen pinmawil ed kinen Jacob ira may imbaki to, inkuanda, “Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.”

Levitico 19:10

Ag yo totortoren iray atilak a bungay igos kayari yon mamborbor, ni dodokdoken iray napnaplag ed dalin; paolyan yo la ran para saray mairap-bilay odino saray sangkaili. Siak so Katawan a Dios yo.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Levitico 19:9

“No manani kayod saray kaalogan yo, ag yo gagapasen iray walad saray gilig na kaalogan yo tan ag yo la papawilen a tortoren iray atilak-tilak.

Levitico 23:22

No manani kayod saray kaalogan yo, ag yo gagapasen iray walad saray gilig na kaalogan yo, tan ag yo la papawilen a tortoren iray atilak-tilak; itilak yo la ran para saray mairap-bilay tan saray sangkaili. Say Katawan et sikatoy Dios yo.

Ruth 2:3

Kanyan linmay Ruth ed kaalogan tan nantortor a manomtombuk ed saray manaani. Akakar met ed alog nen Booz a kanayon nen Elimelec.

Ruth 2:7

Kinerew tod siak a tombuken to ray manaani, ta mantortor. Mantotortor nanlapu lad kabkabwasan ya anggad natan. Mampapainawa labat ya agano ed silong na alolung.”

1 Samuel 1:18

“Maabig lawas komun so linawa yod siak,” ebat nen Ana. Tinmaynan la, angan, tan nakal lay ermen to.