Ruth 2:13 - Maung A Balita Biblia

¹³ Inkuanen Ruth, “Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.”

Maung a Balita Biblia

¹³ Inkuanen Ruth, Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.

Ruth 2:13 Iomraidhean Croise

Genesis 32:6

Nen pinmawil ed kinen Jacob ira may imbaki to, inkuanda, “Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.”

Genesis 33:10

Inkuanen Jacob, “Andi komun. No talagan pirdonaen mo ak, awat moy panangarok. Say pakanengneng kod lupam et singa pakanengneng kod lupa na Dios, natan ta maung so impatnag mod siak.

Genesis 33:15

Inkuanen Esau, “No ontan sirin, mangitilak ak ed sika na pigaran totook.” Balet inkuanen Jacob, “Andi-bali la tan; masarag lay impamirdonam ed siak.”

Genesis 33:8

Tinepet nen Esau, “Antoy kabaliksan da ra may onaan a nabet ko?” Inmebat si Jacob, “Rigalok ira man ed sika, ta labay koy mipulangan ed sika.”

Genesis 34:3

Balet nen naimano ton magangganan tuloy si Dina, sinmabiy baleg a panibeg tod sikato tan kinokoyung to.

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

2 Samuel 16:4

Inkuan na ari ed kinen Siba, “Kien mo lay amin a kayaryan nen Mefiboset.” “Siak so aripen mo,” ebat nen Siba. “Maabig lawas komun so linawam ed siak, Kagalang kon Ari!”

Probirbio 15:33

Say pangigalang ed Katawan et sakey a pakaaralan. Nepeg a mampaabeba ka kasakbayan a napagalangan ka.

Oseas 2:16

Diad satan tawagen to ak lamet ya asawa to—ag to ak la tawagen a Baal to.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

Saray Huis 19:3

Insan samay laki ginetma to a tombuken, ta koyungen ton ompawil ed sikato. Intagar toy aripen to tan kaiba toy duaran asno. Pinaloob na samay bii imay Levita ed abung nen ama to; nen anengneng na samay ama imay Levita, malikeliket ton inawat.

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Ruth 2:14

Diad oras na panangan, inkuanen Booz ed kinen Ruth, “Gala la. Mangala kay tinapay tan idelnet mod sawsawan.” Kanyan inmirung si Ruth a kaiba to ray kumikimey. Inderewan nen Booz na insanglil a sibada. Angan si Ruth ya anggad napsel et wala niy kera to.

1 Samuel 1:18

“Maabig lawas komun so linawa yod siak,” ebat nen Ana. Tinmaynan la, angan, tan nakal lay ermen to.

1 Samuel 25:41

Dinmakmomoy Abigail ya anggad dalin tan kuanto, “Siak so aripen ton sipaparaan a mangoras ed saray sali na saray aripen to.”