Ruth 1:16 - Maung A Balita Biblia

¹⁶ Inmebat si Ruth, “Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

Maung a Balita Biblia

¹⁶ Inmebat si Ruth, Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

Ruth 1:16 Iomraidhean Croise

2 Samuel 15:21

Balet inmebat si Itai, “Kagalang kon Ari, sambaan kod sika diad ngaran na mabilay a Katawan, a mila ak lawas ed sika anggan iner so laen mo, patey may pansumpalan tayo.”

Saray Salmo 45:10

Sikan nubiay ari, dengel ka pad ibagak— lingwanan mo ray totoom tan saray kakanayon mo.

Probirbio 17:17

Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Oseas 13:4

Say Katawan kuanto, “Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Mateo 8:19

Walay sakey ya iskriban inmasingger ed sikato. “Maistro,” kuanto, “sipaparaan ak a milad anggan iner a laen mo.”

Juan 13:37

“Katawan, akin et ag ta ka natombuk natan?” tinepet nen Pedro. “Sipaparaan ak ya ompatey makasengeg ed sika!”

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

Josue 24:18

Legan tayon lolooban yan dalin, pinataynan to ray Amorreo a manaayam dia. Kanyan manlingkur kami met et Katawan; sikato so Dios tayo.”

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

Ruth 1:15

Kanyan inkuanen Noemi ed sikato: “Ruth, amawil lay irat mo ed saray kakanayon to tan diad dios to. Mila ka lad sikato.”

Ruth 1:17

No iner so pateyan yo, dimay pateyan ko tan dimay pangipomponan ed siak. Dusaen ak a maung komun na Katawan no abuloyan kon pansiyanen itayoy arum a bengatla likud ed patey!”

Ruth 2:6

Inmebat may laki, “Aliwan taga dia tan a bii. Kaiba nen Noemi a nanlapud Moab.

Ruth 4:15

Inaro ka na manugang mo, tan dakel niy ginawa ton maabig para sika nen saray pitoran anak a lalaki. Et natan initdan to kay apo a mangiter ed sikay balon biskeg tan mangasikasod sika diad inkaakolaw mo.”