Puyan 9:4 - Maung A Balita Biblia

⁴ Nibilin ed sikara ya ag da dederalen iray mabonan karikaan ed dalin, saray kiew, o antokaman a tanaman. Say nayarian dan deralen labat et saray totoon anggapoy marka na muling da.

Maung a Balita Biblia

⁴ Nibilin ed sikara ya ag da dederalen iray mabonan karikaan ed dalin, saray kiew, o antokaman a tanaman. Say nayarian dan deralen labat et saray totoon anggapoy marka na muling da.

Puyan 9:4 Iomraidhean Croise

Say Libro nen Job 1:10

Iyaagel mo lawas, say pamilya to, tan amin a kayaryan to. Bibindisionan moy amin a kimey to tan iitdan moy ayamayamay ya ayayep a ngalngali da nalaknabay intiron bansa.

Say Libro nen Job 1:12

Inkuan na Katawan ed kinen Satanas, “Sigi sirin, ipalimak ed sikay amin a walad sikato, balet ag mo didiwiten si Job.” Kanyan tinmaynan lad arap na Katawan si Satanas.

Say Libro nen Job 2:6

Kanyan inkuan na Katawan ed kinen Satanas, “Sigi sirin, ipalimak ed sika si Job, balet ag mo papateyen.”

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Exodo 12:23

Ta onliber ed Egipto so Katawan a mamatey ed saray Egipsio, et no nanengneng toy dala ed saray panuksolan tan diad saray lusek ya akapeketan na saray puirta, ag to la palooben ed kaabungan yo so Anghil na Patey tan ag to kayo pateyen.

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

Puyan 14:1

Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.

Puyan 6:6

Nadngel kod satay bosis a singa manlalapud kawalaan da ra may pinalsan mabilay. Inkuanto, “Sakey a salup na trigo labat so nasaliw na sakey a dinario a sanagew lan suildo, tan taloran salup na sibada labat so nasaliw na sakey a dinario a sanagew lan suildo. Balet ag mo dederaley larak na oliba tan say alak!”

Puyan 7:1

Kasumpal to ya, anengneng koy apatiran anghil a manalalagey ed saray apatiran sokung na mundo. Babaraen da ray apatiran dagem na mundo, pian ag onsiplug ed tapew na dalin, o diad dayat, o diad anton kiew.

Puyan 8:7

Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.