Puyan 9:1 - Maung A Balita Biblia

¹ Nen sinibuk na kumaliman anghil so trumpita to, anengneng kon apaktak ed dalin so sakey a bitewen a nanlapud tawen, tan naitday tombuk na ag natokur ya abut.

Maung a Balita Biblia

¹ Nen sinibuk na kumaliman anghil so trumpita to, anengneng kon apaktak ed dalin so sakey a bitewen a nanlapud tawen, tan naitday tombuk na ag natokur ya abut.

Puyan 9:1 Iomraidhean Croise

Isaias 14:12

Ari ed Babilonia, masnag a kabontatalad kabwasan, apattak ka lan nanlapud tawen! Adakep mo ray bansa nen saman, balet natan nibantak ka ed dalin.

Lucas 10:18

Inmebat si Jesus, “Anengneng koy Satanas a naplag a singa kirmat a nanlapud tawen!

Lucas 8:31

Saramay dimonyo kinerew dad kinen Jesus ya ag to ra paonlaen ed araldalem a pasen.

Saray Taga Roma 10:7

Ag mo met anggan ibabaga, “Siopay onlad dalem na dalin?” (salanti, pian naaon si Cristo manlapud saray inaatey).

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 11:7

Kasumpal dan mampulong, ompaway so ayep a walad ag natokur ya abut, tan labanan to ra. Taloen tan pateyen to ra,

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.

Puyan 20:1

Kasumpal to ya, anengneng koy sakey ya anghil ya onaabeban nanlapud tawen. Sankabembenan toy balbaleg a kadina tan tombuk na abut ya ag natokur.

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.

Puyan 6:13

Apaktak ed dalin iray bitewen a nanlapud tawen, a singa kapaktak na maeta ran bungay kiew ya igos no nabagyoy maksil.

Puyan 8:10

Nen sinibuk na kumatlon anghil so trumpita to, naplag a nanlapud tawen so baleg a bitewen a singa manliub a silew, tan dinmapod kakatlo na amin da ray ilog tan saray sobul.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 8:2

Insan anengneng ko ra may pitoran anghil a manalalagey ed arap na Dios, tan naitday balang sakey ed sikara na trumpita.

Puyan 9:2

Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.