Puyan 8:7 - Maung A Balita Biblia

⁷ Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Maung a Balita Biblia

⁷ Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Puyan 8:7 Iomraidhean Croise

Saray Salmo 105:32

Aliwan say oran so impelag tod dalin da, no ag ingen pinaoran toy yilo tan pinakirmat to;

Exodo 9:33

Tinaynan nen Moises so ari, pinmaway ed siudad, tan inyatagey to ray lima to diad impanpikasi tod Katawan. Tinmonday karul, saray kristal, tan say oran.

Isaias 28:2

Say Katawan walay too ton mabiskeg tan makapanyari ya akaparaan ya ondogpa ed sikara; sikatoy onsabi a singa oran a kristal, singa mapmaples ya oran, singa mabiskeg tan maples ya agos na delap, tan lanayapan toy dalin.

Isaias 29:6

say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 32:19

Balet onuran na kristal ed saray katakelan, tan nageba so siudad.)

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Joel 2:30

“Diad satan ya agew mangiter ak na saray tanda a nanengneng ed tawen tan diad tapew na dalin; wala so onagos a dala, apoy, tan makapakapal ya asewek.

Santiago 1:11

Ta ompaway so agew tan diad ontan lan petang to, pamagaen toy dika, nalaylay met lad satan iray rosas to, tan naderal lay kinarakep to. Ontan met, say mayaman ompatey legan ton gagawaen iray kimey to.

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

1 Pedro 1:24

Onung na ibabagay Masanton Sulat, “Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

Puyan 12:4

Diad panamegley na ikul to, ginoyur toy kakatloy amin a bitewen ed tawen, insan to ra imbantak ed dalin. Nanalagey imay dragon ed arap to may biin asingger lan mananak, pian nabwag ton tampol so ogaw no kapaway to.

Puyan 16:2

Linma la sirin imay onaan ya anghil, tan inkalbo tod mundo so kargay yaung to. Linmesa ray makarimdimla tan ansakisakit a giri ed saray walay marka na samay ayep, tan saray angigalang ed talintao to.

Puyan 16:21

Inmoran a nanlapud tawen na ankakabaleg a kristal a mambelat na ngalngalin limamplon kiloy sakey, tan apatpataan iray totoo. Lapud saya, inayew na saray totoo so Dios, ta makapataktakot yan salot!

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.

Puyan 7:1

Kasumpal to ya, anengneng koy apatiran anghil a manalalagey ed saray apatiran sokung na mundo. Babaraen da ray apatiran dagem na mundo, pian ag onsiplug ed tapew na dalin, o diad dayat, o diad anton kiew.

Puyan 9:15

Nibolus sirin ira may apatiran anghil a mamatey ed kakatloy amin a katoowan. Akaparaan iran manggawa ed saya diad sayan oras, agew, tan bulan na sayan taon.

Puyan 9:18

Sikara yay amatey ed kakatlo na amin a katoowan: say apoy, asewek, tan asupri ya ompapaway irad sangi na saramay kabayo.

Puyan 9:4

Nibilin ed sikara ya ag da dederalen iray mabonan karikaan ed dalin, saray kiew, o antokaman a tanaman. Say nayarian dan deralen labat et saray totoon anggapoy marka na muling da.