Puyan 8:3 - Maung A Balita Biblia

³ Sinmabiy sananey ya anghil a sankaawit toy balituk a pananginay insinso, tan linman inmalagey ed arap na altar. Naitday dakerakel ya insinso ya intekep tod saray pikakasi da ray amin a totooy Dios, insan to imbagat ed balituk ya altar a walad arap na trono.

Maung a Balita Biblia

³ Sinmabiy sananey ya anghil a sankaawit toy balituk a pananginay insinso, tan linman inmalagey ed arap na altar. Naitday dakerakel ya insinso ya intekep tod saray pikakasi da ray amin a totooy Dios, insan to imbagat ed balituk ya altar a walad arap na trono.

Puyan 8:3 Iomraidhean Croise

1 Saray Arari 7:50

saray kupa, saray panagpotut na pabilo, saray yaung, saray plato a pananginay insinso, tan saray kawalin pananginay ngalab; tan saray bisagra na saray kaput na Sankasantosan a Pasen tan bisagra na saray kaput na saray puirtay Timplo. Balituk ya amin ira yan kagawaan.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Exodo 40:26

Inyan tod dalem na Tulda diad arap na samay sanib a kurtina imay altar a balituk,

Isaias 6:6

Insan sakey ed saramay sirapin so tinmikyab ed kawalaan ko. Walay sankaawit ton ngalab a sinipit ton inalad altar.

Ezekiel 41:22

altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, “Sikato yay lamisaan a manalalagey ed arap na Katawan.”

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Saray Bilang 4:11

Sakbungan da na asul ya abel imay balituk ya altar, kobutan da na pinon katat, insan da isolung iray tiken a panagsakbatan.

Lucas 1:10

Saray totoo balet, wala rad paway na Timplo tan mampipikasi ra nen oras na panagpool na insinso.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Puyan 10:1

Kasumpal to ya, anengneng ko niy sananey a makapanyarin anghil ya onaabeban nanlapud tawen. Akakawes na lorem, tan walay bonlalakaw ed tagey na olo to. Singa agew so lupa to, tan saray bikking to singa ra ankakabaleg a lusek ya apoy.

Puyan 14:18

Pinmaway niy sananey ya anghil a nanlapud altar. Sikato yay anghil a walay pakaoley tod apoy. Inkuantod maksil a bosis ed anghil a walay matdem a palot, “Ikanam la tay palot mo. Borbor mo ray ubas ed saray kaubasan diad mundo, ta aloto la ra!”

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Puyan 6:9

Insan inekal na samay Kordiro so kumaliman timbri, tan anengneng kod silong na altar iray kamarerwa da ray pinapatey, lapud salitay. Dios tan lapud matoor ya impantatasi ra.

Puyan 7:2

Anengneng ko met ya ontatagey a nanlapud bokig so sananey ya anghil a walad sikatoy timbri na mabilay a Dios. Inkelyaw tod saramay apatiran anghil ya initday Dios na pakayarin manderal na dalin tan dayat,

Puyan 8:4

Manlapud lima to may anghil, inmatagey ed arap na Dios so asewek na insinson napopoolan tan saray pikakasi na totoon pinili na Dios.

Puyan 8:5

Insan inala na anghil so pananginay insinso, pinano toy apoy a nanlapud altar, tan imbantak tod mundo. Kinmarul ed satan, dinmalagorug, kinmirmat, tan yinmegyeg.

Puyan 9:13

Nen sinibuk na kumanem ya anghil so trumpita to, nadngel koy sakey a bosis a nanlapud apatiran suyok na balituk ya altar a walad arap na Dios.