Puyan 8:13 - Maung A Balita Biblia

¹³ Insan anengneng koy sakey ya agilan ontitikyab ed liwang tan nadngel kon oneeyag, “Makapataktakot! Makapataktakot! Pakaskasi ya amin iray mambibilay ed tapew na dalin no sibuken la na taloran anghil iray trumpitan nepeg da nin sibuken!”

Maung a Balita Biblia

¹³ Insan anengneng koy sakey ya agilan ontitikyab ed liwang tan nadngel kon oneeyag, Makapataktakot! Makapataktakot! Pakaskasi ya amin iray mambibilay ed tapew na dalin no sibuken la na taloran anghil iray trumpitan nepeg da nin sibuken!

Puyan 8:13 Iomraidhean Croise

Saray Salmo 103:20

Idayew yoy Katawan, sikayo ran mabiskeg tan makapanyarin anghil a manusumpal na saray ganggan to tan onderengel na ibabaga to.

Ezekiel 2:10

Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Puyan 11:14

Linmabas lay kumadwan makapataktakot a kairapan, balet nengneng mo! Magano lan onsabiy kumatlon makapataktakot a kairapan.

Puyan 12:12

Kanyan manggayaga kayo, sikayon katawenan tan sikayon manaayam ditan! Balet sikayo, dalin tan dayat, pakaskasi kayo! Ta linmeksab ed sikayo so Diablo tan agaylay pasnuk to, lapud amta ton antikey lan panaoy atilak ed sikato.”

Puyan 14:3

Mangakanta ra may sanlasus tan apataplo tan apat a libon totoo na sakey a balon kanta ed arap na trono, diad arap da ra may apatiran pinalsan mabilay tan saramay mamatakken. Anggapoy makaaral ed saman a kanta ra no ag sikara labat ya arondon ed tapew na dalin.

Puyan 14:6

Insan anengneng koy sakey nin anghil ya ontitikyab ed liwang a sankaawit toy andi-anggaan a Maung a Balita ya ipulong tod saray katoowan ed dalin, diad balang bansa, tribu, salita, tan too.

Puyan 19:17

Insan anengneng ko met so anghil ya akaalagey ed agew. Iningal toy makmaksil ed saray manok ya ontitikyab ed liwang: “Gali dia, mantitipon kayo para baleg a ponsiay Dios!

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.

Puyan 8:2

Insan anengneng ko ra may pitoran anghil a manalalagey ed arap na Dios, tan naitday balang sakey ed sikara na trumpita.

Puyan 9:1

Nen sinibuk na kumaliman anghil so trumpita to, anengneng kon apaktak ed dalin so sakey a bitewen a nanlapud tawen, tan naitday tombuk na ag natokur ya abut.

Puyan 9:12

Asumpal lay onaan ya agawan makapataktakot, balet wala niy duaran onsabi.