Puyan 8:11 - Maung A Balita Biblia

¹¹ (“Kapaitan” so ngaran to man a bitewen.) Pinmait so kakatloy amin a danum, tan amayamay so totoon inaatey ed ininom da lapud impait to.

Maung a Balita Biblia

¹¹ (Kapaitan so ngaran to man a bitewen.) Pinmait so kakatloy amin a danum, tan amayamay so totoon inaatey ed ininom da lapud impait to.

Puyan 8:11 Iomraidhean Croise

Exodo 15:23

Insan akasabi rad pasen a tatawagen na Mara, balet ampait diman so danum, kanyan ag nayarin inomen. Sikato yay makasengeg a Mara so ngaran to man a pasen.

Probirbio 5:4

Balet kayariy pikaloguran mod sikato, kapaitan tan sulit labat so nasagmakan mo.

Jeremias 23:15

“Kanyan sirin, siak, say Katawan a Makapanyarin-amin, kuanko nipaakar ed saray propita ed Jerusalem: Pakanen ko ray ampait a tanaman, tan painomen ko ra na samal a danum, lapud inkayat dad intiron dalin so kaogsan.”

Jeremias 9:15

Kanyan dengel kad ibagak a gawaen ko, siak a Makapanyarin-amin a Katawan, say Dios na Israel. Itdan ko ray totook na saray ampait a tanaman a kanen da. Itdan ko met iray makasamal a danum ya inomen da.

Saray Tagleey 3:19

Ampait ya apgo so pakanunot kod kairapan a liliknaen ko, tan say inkaandian koy abung.

Saray Tagleey 3:5

Impokuk to ak a pangaskasiyan ed kairapan diad dalem na prisowan.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Zacarias 13:8

et ompatey ed intiron dalin so kakatlo na totoo.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Puyan 12:4

Diad panamegley na ikul to, ginoyur toy kakatloy amin a bitewen ed tawen, insan to ra imbantak ed dalin. Nanalagey imay dragon ed arap to may biin asingger lan mananak, pian nabwag ton tampol so ogaw no kapaway to.

Puyan 8:7

Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Puyan 9:15

Nibolus sirin ira may apatiran anghil a mamatey ed kakatloy amin a katoowan. Akaparaan iran manggawa ed saya diad sayan oras, agew, tan bulan na sayan taon.

Puyan 9:18

Sikara yay amatey ed kakatlo na amin a katoowan: say apoy, asewek, tan asupri ya ompapaway irad sangi na saramay kabayo.

Ruth 1:20

Inmebat si Noemi, “Ag yo ak tatawagen na Noemi. Tawag yo ak la na Mara, ta say Makapanyarin-amin a Dios et makapasinagem a bilay so inter tod siak.