Puyan 6:5 - Maung A Balita Biblia

⁵ Inekal na samay Kordiro so kumatlon timbri, tan nadngel kon inkuan na kumatlon pinalsa a mabilay, “Gala dia!” Insan anengneng koy sakey a kabayon andeket. Say akakabayod saya sankabembenan toy sakey a simbangan.

Maung a Balita Biblia

⁵ Inekal na samay Kordiro so kumatlon timbri, tan nadngel kon inkuan na kumatlon pinalsa a mabilay, Gala dia! Insan anengneng koy sakey a kabayon andeket. Say akakabayod saya sankabembenan toy sakey a simbangan.

Puyan 6:5 Iomraidhean Croise

Saray Tagleey 5:10

Lapud eras singa kami popoolan ed kapepetang mi, ya anggad ampetang lay baog mi a singa pogun.

Ezekiel 4:10

Nayarian moy mangan a maminsan na waloran onsa na tinapay ed loob na sanagew.

Ezekiel 4:16

Inkuanto nid siak, “Sika a toon ompatey, patondaen koy pangitolur na tinapay ed Jerusalem. Saray totood man maermen tan mapaga ran mansukat na tagano a kanen da tan say danum ya inomen da.

Levitico 26:26

Patondaen koy pangyakar na kakanen yo, kanyan say samploran bibii nakaukolan da labat so sakey ya ornowan a panggawaan dad amin a tinapay da. Ibunog day tinapay da ta no naakan yo lan amin, narasan kayo nin siansia.

Zacarias 6:2

Gogoyuren na saray ambalangan kabayo so ononan karwahi, tan gogoyuren na saray andeket a kabayo so kumadwa,

Zacarias 6:6

Samay karwahin igogoyur na saray andeket a kabayo et mamapaarap irad baybay diad Babilonia, saramay ampotin kabayo et diad bokig so lalaen da, tan saramay batekan et oonla rad bansa diad abalaten.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Puyan 5:5

Insan inkuan ed siak na sakey ed saramay mamatakken: “Ag ka onaakis. Nengneng mo! Say Lion a kabyangay tribu nen Juda, say matalonggaring a kabyangay boleg nen David, et analo la tan walay kanepegan ton mangekal na pitoran timbri tan mangilokas ed babasaen a nilokut.”

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Puyan 6:1

Anengneng kon inekal na samay Kordiro so onaan ed saray pitoran timbri, tan nadngel koy sakey ed saray apatiran pinalsa a mabilay ya inkuanton singa karul, “Gala dia!”