Puyan 6:17 - Maung A Balita Biblia

¹⁷ Ta sinmabi lay baleg ya agew a pampasnuk da, et siopay makatepel a miarapan?”

Maung a Balita Biblia

¹⁷ Ta sinmabi lay baleg ya agew a pampasnuk da, et siopay makatepel a miarapan?

Puyan 6:17 Iomraidhean Croise

Saray Salmo 110:5

Say Katawan et walad nikawanan a diking mo; taloen to ray arari no sikato lay mamasnuk.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Isaias 63:4

Ginetmak a sinmabi lay panaon na pangilaban kod saray totook; panaon la a panusa ed saray kalaban da.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Joel 1:15

Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Joel 2:1

Paknul yoy trumpita; paknul yod Sion a masanton palandey na Dios so pamasakbay. Giwgiw kayo, sikayon totood Juda! Magano lan onsabiy agew na Katawan.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Malakias 3:2

Balet siopay makapangitepel na agew na isabi to? Siopay nabilay no sikatoy ompanengneng? Sikatoy singa mabayanin sabon, singa apoy a manlinis ed mital.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Judas 1:6

Nunot yo met iray anghil ya ag nansiansiad sakop na kanepegan tan kipapasen da; ingen tinaynan day panaayaman da. Say Dios binalur to ra na andi-anggaan a golunggolung diad aralem tan ambilonget a pasen, a diman da aalagdey pakadusa ra no Agew na Okum.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

1 Samuel 6:20

Kanyan inkuan na saray taga Bet-semes, “Siopay nayarin ontalindeg ed arap na Katawan, sayan masanton Dios? Iner so pangyakaran tayod Kaban to, pian naarawian to tayo la?”