Puyan 6:15 - Maung A Balita Biblia

¹⁵ Insan inmaamut ed ongiongib tan diad silong na saray ankakabaleg a batod palandey iray ararid tapew na dalin, saray manoley, saray opisyal na sondalo, saray mayayaman, saray makapanyari, tan amin da ray arum a totoo—aripen man ira o andi.

Maung a Balita Biblia

¹⁵ Insan inmaamut ed ongiongib tan diad silong na saray ankakabaleg a batod palandey iray ararid tapew na dalin, saray manoley, saray opisyal na sondalo, saray mayayaman, saray makapanyari, tan amin da ray arum a totooaripen man ira o andi.

Puyan 6:15 Iomraidhean Croise

Genesis 3:8

Nen ngarngarem la arengel da so tanul na panaakar na Katawan a Dios ed tanamanan, kanyan inamutan dad otel na kakiewan.

Saray Salmo 76:12

papaabebaen to ray mapaatagey a prinsipi, tan tataktakoten to ray arari diad tapew na dalin.

Isaias 2:10

Onamut irad saray ongib na kapokdulan odino diad saray abut ed dalem na dalin, pian napaliisan day pasnuk na Katawan, tan niamutan day pakayari tan say kagalangan to!

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Isaias 2:21

No onsabiy Katawan a yegyegen toy dalin, saray onamut ed saray abut tan diad saray ongib ed kapokdulan iray totoo, pian napaliisan day pasnuk to tan niamutan day pakayari tan kagalangan to.

Isaias 42:22

Balet natan asamsaman iray totoo to; akolung ira ed dalem na dalin tan niamut irad saray prisowan. Atakewan tan asamsaman ira, balet anggapoy onsingger a mangyagel ed sikara.

Mikias 7:17

Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Saray Hebreo 11:38

Ag manepeg ed sikara so mundo! Nanakar-akar irad kalawakan tan kapalandeyan, tan inmaamut irad saray ongib tan saray abut ed dalin.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Saray Huis 6:2

Mabiskeg ni ray Madianita nen saray Israelita, et kiamut-amut ed ongib iray Israelita tan diad saray arum a pasen ed kapokdulan ya arawid kaatapan.

1 Samuel 13:6

Insan pinasia ran dinogpaan iray Israelita, et pangaskasiyay kipapasen na saray Israelita. Inmaamut iray arum ed sikara diad saray ongib tan diad saray abut, diad nanleleetan na saray ankakabaleg a bato, tan diad saray araralem ya abut tan saray bobun;