Puyan 6:12 - Maung A Balita Biblia

¹² Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Maung a Balita Biblia

¹² Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Puyan 6:12 Iomraidhean Croise

Isaias 24:23

Ombilonget so bulan tan ag la onsindag so agew, ta say Katawan a Makapanyarin-amin so manari. Manoley ed Jerusalem diad Palandey na Sion, tan nanengneng na saray pangulo da ray totoo so kagalangan to.

Isaias 29:6

say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Isaias 34:4

Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Isaias 50:3

Nayarian kon pagmaliwen ya ambilonget so tawen, a singa walay paneermenan ton inatey.”

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Joel 3:15

Ombibilonget so agew tan say bulan, tan ag la onsisinag iray bitewen.

Amos 1:1

Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.

Amos 8:9

Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Mateo 11:21

“Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Mateo 27:45

Nanlapud alas dosi ya anggad alas tris na ngarem, binmilonget so intiron dalin.

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Mateo 28:2

Biglan yinmegyeg na maksil. Linmeksab a nanlapud tawen so sakey ya anghil, insan to intolin imay insaran bato, tan niyorungan to.

Marcos 15:33

Nanlapud alas dosi ed kaagewan, say intiron dalin binnilonget ed loob na taloy oras.

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

Puyan 16:8

Say kumapat ya anghil inkalbo tod agew so kargay yaung to, et naitdan so agew na pakayarin mamool ed saray katoowan diad panamegley na petang to.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 8:5

Insan inala na anghil so pananginay insinso, pinano toy apoy a nanlapud altar, tan imbantak tod mundo. Kinmarul ed satan, dinmalagorug, kinmirmat, tan yinmegyeg.