Puyan 6:10 - Maung A Balita Biblia

¹⁰ Ineyag day makmaksil, “Katawan a Makapanyarin-amin, masanto tan matwa! Panoy kabayag mi nin manalagar ed panintinsiam ed saray katoowan diad tapew na dalin tan say panusam ed sikara lapud impamapatey dad sikami?”

Maung a Balita Biblia

¹⁰ Ineyag day makmaksil, Katawan a Makapanyarin-amin, masanto tan matwa! Panoy kabayag mi nin manalagar ed panintinsiam ed saray katoowan diad tapew na dalin tan say panusam ed sikara lapud impamapatey dad sikami?

Puyan 6:10 Iomraidhean Croise

Genesis 4:10

Insan inkuan na Katawan, “Akin et onyay ginawam? Manlapud dalin, manakakis ed siak so dala na agim; singa bosis ya onkekerew na bales.

Saray Salmo 119:84

Kaonungay kabayag na panalagar ko, siak ya aripen mo? Kapigay panusam ed saray mamapairap ed siak?

Saray Salmo 13:1

Katawan, anggad angga so pangililingwan mod siak? Anggad kapigan ni so pangisasanib moy lupam ed siak?

Saray Salmo 35:17

Katawan, kapigan ka ontondan mamambantay labat? Iyagel mo ak pad saray panagdogpa ra; iyagel mo pay bilay ko ed sarayan lion!

Saray Salmo 79:10

Akin et tetepeten ed sikami na saray bansa, “Kawalaay Dios yo?” Ipanengneng mo pad sikami so panusam ed saray bansa lapud impangibung dad dala na saray aripen mo.

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Isaias 61:2

Imbaki to ak a mangibawag A say panaon sinmabi la A say Katawan ilaban to ray totoo to Tan taloen to ray kalaban to. Imbaki to ak a manligliwad amin a maermen,

Saray Tagleey 3:64

“Dusam pa ra, O Katawan, lapud saray ginawa ra;

Daniel 12:6

Say sakey ed sikara tinepet tod anghil a manalalagey ed bandad tulo tan akakawes na linen, “Kapigay itonda na sarayan makapakelaw a nagagawa?”

Daniel 8:13

Insan ko nadngel so sakey ya anghil ya anepet ed kapara ton anghil, “Kapigay pangangga na saraman a bengatlan anengneng ed pasingayew? Kapigay pangangga na sakey a makapasinagem a kasalanan a sinmalat ed inagew-agew iran bagat? Kapigay pangangga na pakagatin-gatin ed saray sondalo ed tawen tan say Timplo?”

Zacarias 1:12

Insan samay anghil kuanto, “Katawan a Makapanyarin-amin, pitomploy taon lan mamapasnuk kad Jerusalem tan saray siudad na Juda. Kapigan kasiy pansamput na ag mo pangasi ed sikara?”

Lucas 2:29

“Natan, Katawan, nayarian mo ak lan alaen, siak ya aripen mo, onung na sipan mo.

Lucas 21:22

Ta saraya lay ‘Agew na Dusa,’ pian ontuay amin ya ibabagay Masanton Sulat.

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!

Puyan 18:24

Adusay Babilonia, lapud nalmod sikatoy dala na saray propita, saray totooy Dios, tan amin a pinapatey ed tapew na dalin.

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Saray Huis 16:28

Insan nampikasiy Samson, “Katawan a Dios, nunot mo ak pa; O Dios, pabiskeg mo ak pa nin maminsan labat natan, pikasik ed sika, pian makabawi ak ed sarayan Filisteo ed impanokit dad saray matak.”

1 Samuel 24:12

Sintinsiaan ita komun na Katawan, no siopad sikatay manggagaway maoges! Dusaen ka komun na Katawan lapud gagawaen mod siak, ta no siak ag ta ka pasakitan.