Puyan 5:5 - Maung A Balita Biblia

⁵ Insan inkuan ed siak na sakey ed saramay mamatakken: “Ag ka onaakis. Nengneng mo! Say Lion a kabyangay tribu nen Juda, say matalonggaring a kabyangay boleg nen David, et analo la tan walay kanepegan ton mangekal na pitoran timbri tan mangilokas ed babasaen a nilokut.”

Maung a Balita Biblia

⁵ Insan inkuan ed siak na sakey ed saramay mamatakken: Ag ka onaakis. Nengneng mo! Say Lion a kabyangay tribu nen Juda, say matalonggaring a kabyangay boleg nen David, et analo la tan walay kanepegan ton mangekal na pitoran timbri tan mangilokas ed babasaen a nilokut.

Puyan 5:5 Iomraidhean Croise

2 Saray Awaran 9:18

Anemiray balitang to yan trono tan walay apakan na sali ya inokupan na balituk. Diad diking na balang panangitapeway lima walay kinortin akaalagey a lion.

Say Libro nen Job 41:15

Nansasaip a samper so beneg to, nampepeketan ira tan singa batoy awet da.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

Daniel 7:16

Inasinggeran koy sakey ed saramay manalalagey diman tan kinerew kod sikaton ipaliwawa ton amin iray pasingayew. Kanyan imbaga tod siak so kabaliksan dan amin.

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

Lucas 23:28

Nilingaw nen Jesus ira tan inkuanto, “Bibiin taga Jerusalem! Ag yo ak nanangisan. Nangisan yo ingey sikayon dili tan saray anak yo.

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”

Lucas 8:52

Amin a wadman paneermenan tan panaakisan da may inatey ya ogaw. Inkuanen Jesus, “Ag kayo onaakis. Ag inatey so ogaw; nanaogip labat!”

Juan 20:13

“Bii, akin et mannangnangis ka?” tinepet dad sikato. Inmebat ed sikara, “Inala ray Katawan ko tan ag ko amtay anginan dad sikato!”

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

Saray Taga Roma 15:12

Ibabaga met ni nen Isaias, “Onsabi so kabyangay boleg nen Jesse, ontalindeg a manoley ed saray Hintil, tan manilalo rad sikato.”

Saray Hebreo 7:14

Ta malinlinew a say Katawan kabyangay tribu nen Juda; tan ag binitla nen Moises yan tribu nen nansalita na nipaakar ed saray papari.

Puyan 1:1

Diad sayan libro nisulat iray impuyan na Dios ed Jesu-Cristo. Impuyan na Dios ira ya, pian nipaamta tod saray aripen to ray asingger lan nakaukolan a nagawa. Impaamta met ira ya nen Jesu-Cristo ed kinen Juan ya aripen to, diad impangibaki toy sakey ya anghil to,

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Puyan 5:4

Inmakis ak a maung lapud anggapoy nalmon manepeg a mangilokas tan makanengneng ed dalem to.

Puyan 6:1

Anengneng kon inekal na samay Kordiro so onaan ed saray pitoran timbri, tan nadngel koy sakey ed saray apatiran pinalsa a mabilay ya inkuanton singa karul, “Gala dia!”

Puyan 7:13

Tinepet ed siak na sakey ed saramay mamatakken, “Siopa ra tay totoon akaampoti, tan iner so nanlapwan da?”