Puyan 4:7 - Maung A Balita Biblia

⁷ Say onaan a mabilay a pinalsa et singa lion; say kumadwa, singa kilaw na baka; say lupa na kumatlo et singa lupay too; say kumapat et singa agila ya ontitikyab.

Maung a Balita Biblia

⁷ Say onaan a mabilay a pinalsa et singa lion; say kumadwa, singa kilaw na baka; say lupa na kumatlo et singa lupay too; say kumapat et singa agila ya ontitikyab.

Puyan 4:7 Iomraidhean Croise

Genesis 49:9

Si Juda et singa lion. Papateyen to ray labay ton pateyen, insan ompapawil ed balaung to. Maninat-inat tan mandokul-dokul. Anggapoy makakpel a manigensigen ed sikato.

2 Samuel 1:23

“Saul tan Jonatan, pinabli tan inararo; sankaibad bilay, sankaibad patey. Maples ira nen saray agila, mabiskeg ira nen saray lion.

Probirbio 28:2

No makasalanan iray totood bansa, mansasalat iray pangulo to. Balet mansiansian mabiskeg so sakey a bansa no wala ray maotek tan ikakana ray olo ran pangulo to.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Ezekiel 1:10

Balang sakey ed saramay pinalsan mabilay et walay apatiran nandoroman lupa to; lupay too ed arap, lupay lion ed kawanan, lupay bakan kalakyan ed kawigi, tan lupay agila ed beneg.

Ezekiel 1:8

Balang sakey ed sikara ed walaan met na apatiran limay too, tan say kapag sakey a lima et walad silong na kapag payak da.

Ezekiel 10:14

Apatira so lupa na balang sakey ed saramay pinalsa. Say onona lupay bakan kalakyan, say kumadwa lupay too, say kumatlo lupay lion, tan say kumapat lupay agila.

Ezekiel 10:21

Balang sakey ed sikara walay apatiran lupa to, apatiran payak, tan walay singa limay too ed silong na kapag payak to.

Daniel 7:4

Say onona singa lion so nengneng to, balet wala ray payak to a singa saray payak na agila. Nen ombabantay ak, nakal ira may payak to. Niatagey imay ayep tan nipaalagey a singa too. Insan niiter ed sikato so kanunotan na too.

Obadias 1:4

Anggan ipaalagey mod atagtagey a pasen so abung mo, ya atagtagey a singa kawalaan na obung na agila, ta pian singa ka walad kawalaan da ray bitewen, igoyur ta kan siansia ed leksab.

Saray Bilang 23:24

Say bansan Israel et singa masebeg a lion: Ag mandeen anggad abuag to lay narel to, Anggad nainom to lay dala na apatey to.”

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Puyan 4:6

Diad arap na trono, walay singa salming a dayat a kaparparay linew na kristal. Akaliber ed trono, diad balang dapag to, so apatiran mabilay a pinalsa a napnoy mata so arap tan beneg da.

Puyan 6:3

Inekal na samay Kordiro so kumadwan timbri, tan nadngel kon inkuanto may kumadwan pinalsa a mabilay, “Gala dia!”

Puyan 6:5

Inekal na samay Kordiro so kumatlon timbri, tan nadngel kon inkuan na kumatlon pinalsa a mabilay, “Gala dia!” Insan anengneng koy sakey a kabayon andeket. Say akakabayod saya sankabembenan toy sakey a simbangan.

Puyan 6:7

Nen inekal na samay Kordiro so kumapat a timbri, nadngel kon inkuan na kumapat a pinalsa a mabilay, “Gala dia!”