Puyan 4:6 - Maung A Balita Biblia

⁶ Diad arap na trono, walay singa salming a dayat a kaparparay linew na kristal. Akaliber ed trono, diad balang dapag to, so apatiran mabilay a pinalsa a napnoy mata so arap tan beneg da.

Maung a Balita Biblia

⁶ Diad arap na trono, walay singa salming a dayat a kaparparay linew na kristal. Akaliber ed trono, diad balang dapag to, so apatiran mabilay a pinalsa a napnoy mata so arap tan beneg da.

Puyan 4:6 Iomraidhean Croise

1 Saray Arari 7:23

Nanggaway Hiram na gansan kawa a dipositoway danum; duaran mitroy kaaralem to, limaran mitroy kaawang to, tan labinliman mitroy kinalimpek to.

Say Libro nen Job 28:17

Mabli nen say balituk, Nen say ikakanan balituk odino sankarakepan a salming.

Exodo 38:8

Nanggawa na gansan talyasi a panagorasan tan say gansan ansagan to. Say inkana tod impanggawad saraya et saray gansan ispiho na saray bibiin nanlilingkur ed lolooban na Tuldan Ayamay Katawan.

Ezekiel 10:12

Akobutan na mata iray laman, beneg, lima, payak da, tan ontan met ira may dalig.

Ezekiel 10:14

Apatira so lupa na balang sakey ed saramay pinalsa. Say onona lupay bakan kalakyan, say kumadwa lupay too, say kumatlo lupay lion, tan say kumapat lupay agila.

Puyan 14:3

Mangakanta ra may sanlasus tan apataplo tan apat a libon totoo na sakey a balon kanta ed arap na trono, diad arap da ra may apatiran pinalsan mabilay tan saramay mamatakken. Anggapoy makaaral ed saman a kanta ra no ag sikara labat ya arondon ed tapew na dalin.

Puyan 15:2

Anengneng koy singa dayat a salming ya alaukay apoy. Anengneng ko met iray analo ed samay ayep tan say talintao to, tan diad samay say ngaran to et sakey a numiro. Akaalagey irad gilig to may dayat a salming, tan sankabembenan da ray arpan inter na Dios ed sikara.

Puyan 15:7

Insan sakey ed saramay apatiran pinalsa a mabilay so angiter ed saramay pitoran anghil na pitoran balituk a yaung, a napnoy pasnuk na Dios, say Dios a mabilay ya anggad angga.

Puyan 19:4

Saramay duamplo tan apat a mamatakken tan saramay apatiran pinalsa a mabilay et dinmakmomo ra tan angigalang irad Dios ya akayorung ed trono, tan inkuanda, “Amen! Igalang yoy Dios!”

Puyan 21:11

Maliwliwawa yan siudad lapud walad sikatoy kagalangay Dios; mankidyam a singa alahas a haspi, tan malinew a singa kristal.

Puyan 21:18

Baton haspi may padir, tan puron balituk imay siudad, tan malinew a singa kristal.

Puyan 21:21

Pirlas iray labinduan puirta, tan agawad saksakey a pirlas so balang puirta. Puron balituk so dalan na siudad tan malinew a singa kristal.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Puyan 5:11

Ninmengneng ak lamet, tan nadngel koy bosis a libo-libo tan laksalaksan anghil! Akaliber irad samay trono, saramay mabilay a pinalsa, tan saramay mamatakken,

Puyan 5:14

Inmebat ira may apatiran mabilay a pinalsa, “Amen!” Insan dinmakmomo tan angigalang ira may mamatakken.

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Puyan 6:1

Anengneng kon inekal na samay Kordiro so onaan ed saray pitoran timbri, tan nadngel koy sakey ed saray apatiran pinalsa a mabilay ya inkuanton singa karul, “Gala dia!”

Puyan 6:6

Nadngel kod satay bosis a singa manlalapud kawalaan da ra may pinalsan mabilay. Inkuanto, “Sakey a salup na trigo labat so nasaliw na sakey a dinario a sanagew lan suildo, tan taloran salup na sibada labat so nasaliw na sakey a dinario a sanagew lan suildo. Balet ag mo dederaley larak na oliba tan say alak!”

Puyan 7:11

Inmalagey ya amin iray anghil a walad kaliber-liber na trono, saramay mamatakken, tan saramay apatiran mabilay a pinalsa. Dinmakmomo rad arap na trono tan angigalang irad Dios.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”