Puyan 4:4 - Maung A Balita Biblia

⁴ Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Maung a Balita Biblia

⁴ Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Puyan 4:4 Iomraidhean Croise

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Saray Salmo 21:3

Dinagom ya awit moy nidomadoma ran bindision tan kinoronaan mo na puron balituk.

Mateo 19:28

Inkuanen Jesus, “Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.”

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Puyan 11:16

Insan saramay duamplo tan apat a mamatakken a manyodyorung ed saray trono rad arap na Dios, dinmakmomo ra tan inggalang day Dios,

Puyan 14:3

Mangakanta ra may sanlasus tan apataplo tan apat a libon totoo na sakey a balon kanta ed arap na trono, diad arap da ra may apatiran pinalsan mabilay tan saramay mamatakken. Anggapoy makaaral ed saman a kanta ra no ag sikara labat ya arondon ed tapew na dalin.

Puyan 19:14

Ontotombuk ed sikato ray dakerakel a sondalo na tawen ya akakawes iray malinis ya ampotin lino, tan akakabayo rad saray ampotin kabayo.

Puyan 19:4

Saramay duamplo tan apat a mamatakken tan saramay apatiran pinalsa a mabilay et dinmakmomo ra tan angigalang irad Dios ya akayorung ed trono, tan inkuanda, “Amen! Igalang yoy Dios!”

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Puyan 4:6

Diad arap na trono, walay singa salming a dayat a kaparparay linew na kristal. Akaliber ed trono, diad balang dapag to, so apatiran mabilay a pinalsa a napnoy mata so arap tan beneg da.

Puyan 5:11

Ninmengneng ak lamet, tan nadngel koy bosis a libo-libo tan laksalaksan anghil! Akaliber irad samay trono, saramay mabilay a pinalsa, tan saramay mamatakken,

Puyan 5:14

Inmebat ira may apatiran mabilay a pinalsa, “Amen!” Insan dinmakmomo tan angigalang ira may mamatakken.

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Puyan 6:11

Naitday balang sakey ed sikara na ampotin kawes. Nibagad sikaran mampainawa ni ran magano, anggad nasabiy dugan bilang na saray agagi tan kakaiba ran managlingkur a napatey met a singa sikara.

Puyan 7:11

Inmalagey ya amin iray anghil a walad kaliber-liber na trono, saramay mamatakken, tan saramay apatiran mabilay a pinalsa. Dinmakmomo rad arap na trono tan angigalang irad Dios.

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

Puyan 9:7

Saramay dorun singa ra kabayon akaparaan lan mibakal. Wala ray singa balituk a korona ed olo ra, tan singa lupay too so lupa ra.