Puyan 3:7 - Maung A Balita Biblia

⁷ “Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Maung a Balita Biblia

⁷ Isulat mod anghil na iglisia ed Filadelfia: Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Puyan 3:7 Iomraidhean Croise

Say Libro nen Job 11:10

Kabat na Dios no siopa ray andi-kakanaan a totoo; siopay makasbel ed sikato?

Say Libro nen Job 12:14

No amagbag so Dios, siopay makapangipaalagey, tan siopay makapangibolus ed toon ikolung to?

Saray Salmo 145:17

Say Katawan matonung ed amin a gagawaen to, tan mapangasid amin a kimey to.

Saray Salmo 16:10

ta iyaagel mo ak ed pakayari na patey. Matoor a nanlilingkur ak ed sika, kanyan ag mo ak ikaindan ed pasen a panaayaman da ray inaatey.

Saray Salmo 89:18

Pinilim so manangyagel mi, O Katawan; sika a Masanton Dios na Israel initdan mo kamiy ari.

Isaias 22:22

Iter kod sikatoy nagnap a pakaoley na ari a kabyangan na boleg nen David. Niiter ed sikatoy tombuk na opisina, no antoy lokasan to anggapoy mangikaput, tan no antoy inkaput to, anggapoy mangilokas.

Isaias 30:11

Ekal kayod dalan mi; ag yo kami sasaraan. Ag mi labay a dengelen itay nipaakar ed masanton Dios na Israel.”

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 41:20

Nanengneng ya na saray totoo tan naamtaan da a siak, say Katawan so nanggawad saya. Natalusan dad satan a say masanton Dios na Israel so angyabuloy a nagawa ra ya.”

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 55:5

Tawagen yo natan iray arum a bansa; ag da kayo amta nen saman, balet natan mambabtik iran ondago a mikasakey ed sikayo! Siak, say Katawan a Dios yo, say masanton Dios na Israel, so makaoley ed pakasumpal ed saya; itdan ta kayo na kagalangan tan dayew.”

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Mateo 16:19

Iter kod sikay tombuk na Panariay tawen. Say isebel mo diad dalin so nisebel met ed tawen; say iyabuloy mo diad dalin so niabuloy met ed tawen.”

Mateo 24:35

Naandipat so tawen tan dalin, balet ag balut naandipat iray salitak.”

Marcos 1:24

tan ineyaeyag to, “Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!”

Lucas 1:32

Magmaliw a matalonggaring yan laki tan natawag ya Anak na Sankatageyan a Dios. Say Dios a Katawan pagmaliwen ton sakey ya ari, a singa si David a laki to.

Lucas 4:34

“Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!”

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Saray Gawgawa 3:14

Impolisay yo so Masanto tan Matonung tan say managpatey na too la laingen so kinerew yon nibolus.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

Puyan 1:11

Inkuanto, “Isulat moy nanenengneng mo, tan ipawit mo ed saray pitoran iglisia a walad Efeso, Esmirna, Pergamo, Tiatira, Sardis, Filadelfia, tan Laodicea.”

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

Puyan 16:7

Insan nadngel koy bosis a nanlapud altar ya inkuanto, “Katawan a Dios a Makapanyarin-amin, talagan matonung tan tua ray sintinsiam!”

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Puyan 2:1

“Isulat mod anghil na iglisia ed Efeso: “Sikato yay ibabaga to may sankabembenan toy pitoran bitewen ed kawanan a lima to, tan manaakar ed pegley na pitoran balituk a panangipatoonay lamparaan.

Puyan 21:5

Insan inkuanto may akayorung ed trono, “Natan, pasimbaloen ko ya amin iray bengatla!” Inkuantod siak ed satan, “Isulat mo ya, ta napanmatalkan tan tua ra yan salita.”

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Puyan 6:10

Ineyag day makmaksil, “Katawan a Makapanyarin-amin, masanto tan matwa! Panoy kabayag mi nin manalagar ed panintinsiam ed saray katoowan diad tapew na dalin tan say panusam ed sikara lapud impamapatey dad sikami?”