Puyan 3:4 - Maung A Balita Biblia

⁴ Anggaman ontan, wala ray pigarad sikayo ed Sardis ya ag nandotak na saray kawes da. Kanyan akaampoti ran manakar a kaibak, lapud manepeg ira.

Maung a Balita Biblia

⁴ Anggaman ontan, wala ray pigarad sikayo ed Sardis ya ag nandotak na saray kawes da. Kanyan akaampoti ran manakar a kaibak, lapud manepeg ira.

Puyan 3:4 Iomraidhean Croise

1 Saray Arari 19:18

Balet mangikera ak ed Israel na piton libon mabilay a totoo—amin da ray matoor ed siak tan ag ira dinmakmomod kinen Baal odino inmangub ed talintao to.”

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Saray Salmo 68:14

Nen say Makapanyarin-amin a Dios et binubuyak tod Palandey na Salmon iray arari, pinaoran tod man na yilo.

Ecclesiastes 9:8

Ipanengneng mo lawas a maliket tan magayaga ka.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Levitico 13:48

odino boot ed abel a lana odino linen, odino boot ed katat odino diad antokaman a ginawad katat,

Mateo 10:11

“No onsabi kayod sakey a baley o bario, mananap kayoy toon manepeg a pipundoan yo; miayam kayod sikato ya anggad ag yo itaynan ed saman a lugar.

Marcos 16:5

Nen linmoob irad pantion, nikelawan ira nen anengneng day sakey a balolakin akaampoti a manyodyorung ed nikawanan.

Lucas 20:35

Balet saray lalaki tan saray bibiin nibilang ed saray manepeg ya onolid bilay, tan makakar ed biek a bilay, ag la ra mangasawa o miasawa.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Saray Gawgawa 1:15

Kalabas na pigaran agew, nantitipon iray sakey a sanlasus tan duamplon mananisia. Inmalagey si Pedro tan inkuanto,

2 TESALONICA 1:5

Sikato yay pakanengnengay matonung a pananintinsiay Dios, ta lapud saya naako kayon manepenepeg ed Panariay Dios, a makasengeg na paniirapan yo.

Judas 1:23

ilaban yo ray arum diad panamegley na pangyarawi yod sikara ed apoy. Kasian yo met iray arum, balet nantekep na takot so pangasi yo; bosul yoy ikakawes dan amansaay maoges iran pilalek na laman.

Puyan 1:11

Inkuanto, “Isulat moy nanenengneng mo, tan ipawit mo ed saray pitoran iglisia a walad Efeso, Esmirna, Pergamo, Tiatira, Sardis, Filadelfia, tan Laodicea.”

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

Puyan 19:14

Ontotombuk ed sikato ray dakerakel a sondalo na tawen ya akakawes iray malinis ya ampotin lino, tan akakabayo rad saray ampotin kabayo.

Puyan 19:8

akakawes lay malinis tan masilesileng a lino.” (Say lino sikatoy maung iran gawgawa na totooy Dios.)

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Puyan 6:11

Naitday balang sakey ed sikara na ampotin kawes. Nibagad sikaran mampainawa ni ran magano, anggad nasabiy dugan bilang na saray agagi tan kakaiba ran managlingkur a napatey met a singa sikara.

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.