Puyan 3:14 - Maung A Balita Biblia

¹⁴ “Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.

Maung a Balita Biblia

¹⁴ Isulat mod anghil na iglisia ed Laodicea: Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.

Puyan 3:14 Iomraidhean Croise

Genesis 49:3

“Ruben ya anak kon pangulowan, sikay biskeg ko, Tan onaan ya anak ko nen kabisbiskegan ko, Say sankamapaatageyan tan sankabiskegan ed amin da ray anak kon lalaki.

Probirbio 14:5

Say napampiaan a tasi ibabaga to lawas so tua, balet say ag napampiaan tilan amin so ibabaga to.

Probirbio 8:22

“Siak so ononaonan pinalsa na Katawan, say onaan ed saray kimey to nen saman a panaon.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Isaias 65:16

Siopamay toon manaayam ed dalin ya onkerew na bindision kerewen ton bindisionan na matoor a Dios. Siopamay mansamba mansamba ed ngaran na matoor a Dios. Naandi tan nalingwanan iray gunigon ed imbeneg a panaon.”

Jeremias 42:5

Insan inkuandad siak, “Say Katawan a Dios tayo komun so tua tan matoor a tasi sumpad sikami no ag mi onuren ya amin iray ganggan ya iter tod sika para sikami.

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Juan 8:14

Inmebat si Jesus, “Anggan tatasian koy laman kon dili, katwaay ibabagak, lapud amtak so nanlapwan tan say laen ko. Balet ag yo amta no iner so nanlapwan tan laen ko.

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Deuteronomio 21:17

Nepeg ya iter tod samay pangulowan ya anak ton laki so duaran betang na saray kayaryan to, anggaman a sikatoy anak na samay ag to labalabay ya asawa. Nepeg a sayan too birbiren toy pangulowan ya anak ton laki tan iter tod sikato so apag a kanepegan ya awaten to.

COLOSAS 1:15

Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.

COLOSAS 2:1

Labay kon naamtaan yo so ontan lan seet kon nansagput para sikayo, para saray taga Laodicea, tan para saray amin ya ag da ak ni apilupaan.

COLOSAS 4:16

Kasumpal yon nabasa yan sulat, ipabasa yo pa met ed iglisia a walad Laodicea. Basa yo met ed satan so sulat a manlapud man.

Puyan 1:11

Inkuanto, “Isulat moy nanenengneng mo, tan ipawit mo ed saray pitoran iglisia a walad Efeso, Esmirna, Pergamo, Tiatira, Sardis, Filadelfia, tan Laodicea.”

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Puyan 2:1

“Isulat mod anghil na iglisia ed Efeso: “Sikato yay ibabaga to may sankabembenan toy pitoran bitewen ed kawanan a lima to, tan manaakar ed pegley na pitoran balituk a panangipatoonay lamparaan.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:13

Siak so Alpha tan say Omega, say sankaonaan tan say sanka-samputan, say gapo tan say samput.”

Puyan 22:6

Insan inkuantod siak imay anghil, “Napanmatalkan tan tua ra yan salita. Say Dios a Katawan, ya angiter ed saray propita na Ispiritu to, imbaki toy anghil to a mangipanengneng ed saray aripen to no anto ray nakaukolan a magano lan nagawa.”

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.