Puyan 3:12 - Maung A Balita Biblia

¹² Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Maung a Balita Biblia

¹² Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Puyan 3:12 Iomraidhean Croise

1 Saray Arari 7:21

Impaalagey nen Hiram ira yan duaran gansan lusek diad arap na lolooban ed Timplo: walad bandad abalaten so sakey ya angaranan na Jakin, tan walad bandad baybay so sakey ya angaranan na Booz.

Saray Salmo 46:4

Walay ilog a mangiiter na gayaga ed siudad na Dios, diad masanton ayaman na Sankatageyan.

Saray Salmo 48:8

Say nadngelan min ginaway Dios et anengneng mi la natan diad siudad na Dios mi, say Katawan a Makapanyarin-amin; asikasoen toy siudad ya anggad angga.

Saray Salmo 87:3

Dengel mo, siudad na Dios, iray makapakelaw a bengatlan ibabaga ton nipaakar ed sika:

Isaias 62:2

Jerusalem, nanengneng na amin a bansa so panalom! Nanengneng na amin ya ari ra so kagalangan mo. Natawag kad balon ngaran, Sakey a ngaran ya inter na dilin Katawan.

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Jeremias 1:18

Dengel ka, Jeremias! Onsumpad sika so balang sakey a too ed sayan dalin—saray arari ed Juda, saray opisyal, saray papari, tan saray totoo. Balet natan iitdan ta kay biskeg, pian nasumlang mo ra; magmaliw kan singa siudad ya aliber na padir, singa balatyang a lusek, tan singa gansan padir. Ag da ka natalo, ta wala ak ed sika a mangyagel ed sika. Siak, say Katawan, so nansalita.”

Ezekiel 40:49

Wala ray balitang a mamaarap ed samay kuarton lolooban a samplora tan kapalduan mitro so kaawang to tan anemiran mitro so kaaralem to. Walay duaran lusek ya akaalagey iran sansakey ed balang dapag na samay lolooban.

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Marcos 12:16

Initdan day sakey a kuarta, tan tinepet tod sikara, “Siopay akanlupa tan akanngaran na nitatak ed kuarta?” “Say Impirador,” ebat da.

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

TAGA-EFESO 3:15

a panlalapway ngaran na balang pamilyan walad tawen tan dalin.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Saray Hebreo 13:14

Ta anggapo diad mundo so siudad tayo a mansiansia; balet say aanapen tayo say siudad ya onsabi.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

Puyan 14:1

Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Puyan 2:7

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.

Puyan 21:2

Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Puyan 22:4

Nanengneng day lupa to, tan nisulat ed muling da so ngaran to.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.