Puyan 3:11 - Maung A Balita Biblia

¹¹ Magano lay isabik. Asikasom iray walad sika, pian anggapoy makasamsam ed koronam.

Maung a Balita Biblia

¹¹ Magano lay isabik. Asikasom iray walad sika, pian anggapoy makasamsam ed kornam.

Puyan 3:11 Iomraidhean Croise

Sofonias 1:14

Asingger lan onsabi so baleg ya agew na Katawan—magano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

1 CORINTO 9:25

Saray mampapasal a milumba nakaukolan a mandangka rad amin a ganagana. Gagawaen da ya, pian nagamuran day korona a naderal lamlamang, balet koronan ag naderal so nagamuran tayo.

FILIPOS 4:5

Ipanengneng yoy kaabigay linawa yod amin a katoowan. Magano lan onsabiy Katawan.

2 Timoteo 2:5

Ag makalay tumang so sakey a gumagalaw no ag ontoluk ed saray totontonen.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

Puyan 1:3

Maliket so toon mambabasad sayan libro. Maliket met iray ondedengel ed saray ibabaga to yan propisiya tan manusumpal ed saray nisulat ed sayan libro! Ta asingger lay panaon na pakagawad sarayan amin.

Puyan 16:15

“Dengel kayo! Onsabi ak a singa matakew! Maliket iray abangon tan ag naneekal na kawes da, pian ag ira manakar-akar ya anggapoy akasolung ed laman da, et ag ira nabaingan ed saray totoo!”

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Puyan 2:25

Balet pansiansia yo ya anggad isabik iray kamaungan a walad sikayo.

Puyan 22:12

“Dengel kayo!” kuanen Jesus. “Onsabi ak lan magano! Awiten ko ray tumang ya iter kod balang sakey, onung ed ginagawa to.

Puyan 22:20

Ibabagay mamapaneknek ed saraya, “Talagan tua! Onsabi ak lan magano!” Amen. Onsabi ka la komun, Katawan a Jesus!

Puyan 22:7

“Dengel kayo!” kuanen Jesus. “Onsabi ak lan magano. Maliket iray mangoonur ed saray salitan propisiya a nisulat ed sayan libro!”

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.