Puyan 3:10 - Maung A Balita Biblia

¹⁰ Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.

Maung a Balita Biblia

¹⁰ Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.

Puyan 3:10 Iomraidhean Croise

Isaias 24:17

Dengel yo ak, amin yon totoo! Wala ray pakatak-takotan, walay ray abut, tan wala ray patit ya imparaan para sikayo.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Mateo 24:14

Nipulong ed intiron mundo yan Maung a Balita a nipaakar ed Panariay Dios, a pamaneknek ed amin a katoowan. Kasumpal to ya, insan lad satan onsabiy kasamputan.”

Mateo 26:41

Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Marcos 14:9

Natan, tandaan yo ya! Inerman ed sankamundoan so pangipulongay Maung a Balita, nasalitay ginawa to yan bii a pakanudnunotan ed sikato.”

Lucas 2:1

Diad saraman ya agew, ingganggan nen Impirador Augusto a mampalista ray amin a totoon nasasakopay Impirio na Roma.

Juan 17:6

“Impakabat ta kad saray totoon nanlapud mundo ya inter mod siak. Kien mo ra, tan inter mo rad siak. Inonur day salitam,

Saray Taga Roma 1:8

Onona, misalamat ak ed Dios diad panamegley nen Jesu-Cristo, lapud sikayon amin; ta nibabawag ed intiron mundo so pananisia yo.

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

TAGA-EFESO 6:13

Kanyan isolung yo la ra natay armas na Dios! No onsabi lad satay agew a maoges, nayarian yon labanan iray kalaban yo, tan kasumpal na pilaban yo, mabiskeg ki nin manalalagey.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

Santiago 3:12

Agagik, makapambunga kasi na oliba so kiew ya igos? O makapambunga kasi na igos so ubas? Ag met nayarian na maasin a danum so mamapaway na masamit a danum.

1 Pedro 4:12

Inararo, ag yo nepeg a pankelawan tan ipasen a nidoma-doman bengatla so ansakisakit a pananubok a liliknaen yo.

2 Pedro 2:9

Kanyan say Katawan amta to no panon ton ipaliis ed subsubok na bilay iray totoon matoor ed sikato tan no panon ton dusaen anggad Agew na Okum iray totoon bagel,

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.”

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 14:12

Kanyan nakaukolan a mananos iray totooy Dios, saray manusumpal na ganggay Dios tan matoor irad kinen Jesus.

Puyan 14:6

Insan anengneng koy sakey nin anghil ya ontitikyab ed liwang a sankaawit toy andi-anggaan a Maung a Balita ya ipulong tod saray katoowan ed dalin, diad balang bansa, tribu, salita, tan too.

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

Puyan 17:2

Saray arid dalin akikaloguran ed sayan bii, tan saray totood tapew na dalin abuek iray alak na kasalanan tan inmoralidad.”

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 3:8

Amtak so gagawaen mo; amtak a melag so pakayarim, balet inonur moy bangat ko tan matoor kad siak. Kanyan nilokasan koy puirta ed arap mo, tan anggapoy makapangikaput.

Puyan 6:10

Ineyag day makmaksil, “Katawan a Makapanyarin-amin, masanto tan matwa! Panoy kabayag mi nin manalagar ed panintinsiam ed saray katoowan diad tapew na dalin tan say panusam ed sikara lapud impamapatey dad sikami?”

Puyan 8:13

Insan anengneng koy sakey ya agilan ontitikyab ed liwang tan nadngel kon oneeyag, “Makapataktakot! Makapataktakot! Pakaskasi ya amin iray mambibilay ed tapew na dalin no sibuken la na taloran anghil iray trumpitan nepeg da nin sibuken!”