Puyan 22:3 - Maung A Balita Biblia

³ Diad saman a siudad anggapoy naalmon antokaman ya insambay Dios. Naalmod saman a siudad so tronoy Dios tan say Kordiro, tan mangigalang ed sikato ray aripen to.

Maung a Balita Biblia

³ Diad saman a siudad anggapoy naalmon antokaman ya insambay Dios. Naalmod saman a siudad so tronoy Dios tan say Kordiro, tan mangigalang ed sikato ray aripen to.

Puyan 22:3 Iomraidhean Croise

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Salmo 17:15

Lapud matonung ak, nanengneng ta ka; no ombangon ak, say kiwawalam papanoen to ak na gayaga.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 51:11

Onsabin magaygayaga ed Jerusalem ira may inyagel mo, mankanta tan maneyag ira lapud liket. Manliket ira ed ando lan ando, naandi lad bilay da so ermen tan dageyem.

Ezekiel 37:27

Manayam ak diman ed kawalaan da; magmaliw a siak so Dios da tan sikaray totook.

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Zacarias 14:11

Manayam ya arawid kaatapan iray totoo tan, ag la ra nataktakot na deral.

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Juan 13:32

No nipatnag so kagalangay Dios ed panamegley to, say Dios met sirin ipatnag ton tampol so kagalangay Anak na Too.

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Juan 17:24

“Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

Deuteronomio 27:26

“‘Napelag komun so samba na Dios ed siopaman ya ag mangonur ed amin a ganggan tan bangat na Dios.’ “Insan onebat iray amin a totoo, ‘Amen!’

Puyan 7:10

Ineyag day maksil, “Say kilalaban manlalapud Dios tayo ya akayorung ed trono, tan say Kordiro!”

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.