Puyan 21:21 - Maung A Balita Biblia

²¹ Pirlas iray labinduan puirta, tan agawad saksakey a pirlas so balang puirta. Puron balituk so dalan na siudad tan malinew a singa kristal.

Maung a Balita Biblia

²¹ Pirlas iray labinduan puirta, tan agawad saksakey a pirlas so balang puirta. Puron balituk so dalan na siudad tan malinew a singa kristal.

Puyan 21:21 Iomraidhean Croise

1 Saray Arari 6:20

Sayan bandad dalem a kuarto et samploran mitro so karokey to, samploran mitro so kaawang to, tan samploran mitro so kaatagey to; naokupan ya amin na puron balituk. Apalkapan na sidron tabla so altar.

Puyan 17:4

Purpura tan ambalbalanga so kawes to may bii. Balituk, mabmabli ran bato, tan pirlas iray alahas to. Sankabembenan toy balituk a kupa a napnoy marorotak tan mabambanday iran bengatla a sikaray bunga na panagkasalanan toy inmoralidad.

Puyan 18:16

tan ikuanda: “Makapataktakot so agawad sayan makapanyarin siudad! Gendat ya akakawes na lino, abel a purpura tan ambalanga. Gendat met a mangikakanay balituk, mabmabli ran bato, tan pirlas a pampaganggana!

Puyan 21:15

Samay anghil a nansalitad siak sankabembenan toy balituk a panagsukat a panukat toy siudad, saray puirta tan say padir to.

Puyan 21:18

Baton haspi may padir, tan puron balituk imay siudad, tan malinew a singa kristal.

Puyan 22:2

tan onaagos ed pegley na dalan na siudad. Diad balang gilig na ilog, wala ray kiew na bilay. Mambubunga ran binulan, tan saray bolung da et tambal na sakit da ray bansa.

Puyan 4:6

Diad arap na trono, walay singa salming a dayat a kaparparay linew na kristal. Akaliber ed trono, diad balang dapag to, so apatiran mabilay a pinalsa a napnoy mata so arap tan beneg da.