Puyan 20:12 - Maung A Balita Biblia

¹² Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a libro—say libro na bilay. Saray inaatey asintinsiaan ira onung ed saray ginagawa ra a nisulat ed saramay libro.

Maung a Balita Biblia

¹² Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a librosay libro na bilay. Saray inaatey asintinsiaan ira onung ed saray ginagawa ra a nisulat ed saramay libro.

Puyan 20:12 Iomraidhean Croise

Saray Salmo 28:4

Dusam ira lapud saray ginagawa ra, lapud saray kasalanan da. Dusam ira lapud saray ginagawa ran kasalanan; iter moy dusan kanepegan da!

Saray Salmo 62:12

tan ag mangoman so panangaro to. Sikan dili, O Katawan, so ontutumang ed balang sakey a too onung ed saray gawgawa to.

Saray Salmo 69:28

Naporak komun so kangaranan da ed libro na bilay; ag ira komun nibilang ed listaan da ray totoom.

Probirbio 24:12

Nayarin ibagam ya anggapoy pibabalim, balet amta na Dios iray getmam tan simbangen to ra. Say Dios a mamabantay ed sika amta toy peteg a nagagawa. Tumangan to ka onung ed gagawaen mo.

Probirbio 24:29

Ag mo ikukuan, “Gawaen kod sikato so singa ginawa tod siak! Bayaran to so antokaman a ginawa to!”

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 32:19

Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Mateo 11:22

Tandaan yo sirin a diad Agew na Okum, anlemlemew so dusa da ray taga Tiro tan Sidon nen say sikayo!

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Saray Gawgawa 24:15

Mailalo ak met ed Dios, a singa sikara, ya onolid bilay ya amin iray totoo, matonung man ira o andi.

Saray Taga Roma 2:6

Ta iter na Dios ed balang too so kanepegan to, onung ed saray ginagawa to.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

FILIPOS 4:3

Kekerewen ko met ed sika, matoor kon kaiba, a tulongan mo pa ra yan bibii. Tinmulong pa ni met irad siak diad impangikayat na Maung a Balita, a kaiba ray Clemente tan arum ni ran kakimeyan ko. Akasulat so kangaranan da ed libro na bilay.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.

Puyan 19:5

Insan walay nansalitan nanlapud trono ya inkuanto, “Idayew yoy Dios tayo, sikayon amin ya aripen to, sikayon amin a mangigagalang ed sikato, matalonggaring man o andi!”

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 20:13

Impaway na dayat iray inaatey a walad sikato. Impaway met na patey tan say Hadis iray inaatey a walad sikara. Asintinsiaan iran amin, onung ed saray ginagawa ra.

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Puyan 22:12

“Dengel kayo!” kuanen Jesus. “Onsabi ak lan magano! Awiten ko ray tumang ya iter kod balang sakey, onung ed ginagawa to.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.