Puyan 20:11 - Maung A Balita Biblia

¹¹ Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Maung a Balita Biblia

¹¹ Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 20:11 Iomraidhean Croise

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Say Libro nen Job 9:6

Yegyegen to so dalin yakayaken toy lusek na mundo.

Saray Salmo 102:26

Naandipat ira, balet mansiansia ka; ondaan iran amin a singa kawes. Salatan mo ran singa kawes, et naandi ra.

Saray Salmo 47:8

Manyodyorung so Dios ed masanton trono to; manooley ed saray bansa.

Saray Salmo 89:14

Say panarian mo niletneg ed inkatonung tan kaptekan; nanengneng ed amin a gagawaen mo so aro tan inkatoor mo.

Saray Salmo 97:2

Aliber na saray lorem tan kabilongetan so Katawan; maptek tan matonung so panooley to.

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

Daniel 2:35

Insan biglan akusbo ira may balatyang, dalin, gansa, pilak, tan balituk, tan nagmaliw iran singa dabuk ed panagilikan no tiagew. Intikyab iran amin na dagem, et anggapoy nakdaan a pakatontonan ed kawalaan da. Balet binmaleg imay bato tan nagmaliw a palandey a sinakuban toy intiron mundo.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Mateo 11:22

Tandaan yo sirin a diad Agew na Okum, anlemlemew so dusa da ray taga Tiro tan Sidon nen say sikayo!

Mateo 24:35

Naandipat so tawen tan dalin, balet ag balut naandipat iray salitak.”

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.

Puyan 12:8

Balet atalo may dragon tan saray anghil to, tan nakalan iray pasen ed tawen.

Puyan 16:20

Naandipat ya amin iray isla tan saray palandey.

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Puyan 20:2

Siningkat toy dragon, samay daan ya oleg a sikato met so Diablo, o Satanas, tan binalur tod loob na sanlibon taon.

Puyan 21:1

Kasumpal to ya, anengneng koy sakey a balon tawen tan sakey a balon dalin. Ta naandipat lay onaan a tawen tan say onaan a dalin; naandipat met lay dayat.

Puyan 21:5

Insan inkuanto may akayorung ed trono, “Natan, pasimbaloen ko ya amin iray bengatla!” Inkuantod siak ed satan, “Isulat mo ya, ta napanmatalkan tan tua ra yan salita.”

Puyan 4:2

Kabebekta, niwala ak ed pakayari na Ispiritu, tan anengneng kod tawen so sakey a tronon walay akayorung.

Puyan 6:14

Naandipat so tawen, a singa lolokuten a babasaen a nilokut, tan nakal iray palandey tan saray isla ed paspasen da.