Puyan 2:7 - Maung A Balita Biblia

⁷ “Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.

Maung a Balita Biblia

⁷ Sikato ran walay layag, dengel yoy ibabagay Ispiritu ed saray iglisia! Saray manalo itdan ko ray kanepegan a mangan na bungay kiew na bilay ed Paraiso na Dios.

Puyan 2:7 Iomraidhean Croise

Genesis 2:9

Pinatubo to rad may amin a klasiy mararakep a kiew tan pinabunga to ra na masasamit a prutas. Diad pegley na tanamanan so kawalaan na kiew a mangiiter na bilay, tan say kiew a mangiiter na pakaamta ed maung tan maoges.

Probirbio 11:30

Bilay so iiter na katonungan, balet eekalen na inkaruksa.

Probirbio 13:12

Say ilalon mabayag ya aalagden pakakapoyen toy liknaan, balet say pilalek ya agamuran pagagayagaen to ka.

Probirbio 15:4

Bilay so iiter na marakep iran salita, balet makaderal na kalakal iray maruksan salita.

Probirbio 3:18

Maliket iray totoon magmamaliw a makabat; say kakabatan itdan to ra na bilay.

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

Ezekiel 31:8

Diad tanamanan na Dios et anggapoy sidro a makapipara ed sayan kiew. Anggapoy saleng a makapipara ed kasalumpapak na saray sanga to. Diad dilin tanamanan na Dios anggapoy kiew a makapipara ed inkarakep to.

Mateo 11:15

Dengel kayo sirin, sikayo ran walay layag!

Mateo 13:43

Balet saray totooy Dios onsinag ira a singa agew ed Panariay Ama ra. Dengel kayo sirin, sikayo ran walay layag!”

Mateo 13:9

Insan kuanen Jesus, “Dengel kayo sirin, sikayo ran walay layag!”

Marcos 4:9

Insan kuanen Jesus, “Dengel kayo sirin, sikayo ran walay layag!”

Marcos 7:15

Aliwan say onloob no ag ingen say ompaway ed too so mandotak ed sikato.”

Lucas 23:43

Inkuanen Jesus ed sikato, “Kuankod sika: diad sayan agew, kaiba mo ak ed Paraiso.”

Lucas 8:8

Wala met iray ilik a dinmapod mabonan dalin, tinmobo ra, tan nambunga na sanlalasus ya ilik so balang dawa.” Insan inkuanto na maksil, “Dengel kayo sirin, sikayo ran walay layag!”

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

1 CORINTO 2:10

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

2 CORINTO 12:4

Akadngel diman na saray bengatlan ag nayarin iritratoy salita tan bitlaey siopaman.

1 Juan 2:13

Susulaten ta kayo, kaamaan, ta kabat yo may wala la nanlapud gapoy gapo. Susulaten ta kayo, tubon-balon lalaki, ta tinalo yo may Maoges.

Puyan 13:9

“Sikayo ran walay layag, dengel kayo sirin!

Puyan 14:13

Insan nadngel koy sakey a bosis a nanlapud tawen a kuanto, “Isulat mo ya: Manlapud natan, maliket iray totoon ompatey a manlilingkur ed Katawan!” “Tua tan,” inkuan na Ispiritu. “Mampainawa la rad saray sagsagput da, ta mimila ed sikaray bunga na impanlilingkur da.”

Puyan 15:2

Anengneng koy singa dayat a salming ya alaukay apoy. Anengneng ko met iray analo ed samay ayep tan say talintao to, tan diad samay say ngaran to et sakey a numiro. Akaalagey irad gilig to may dayat a salming, tan sankabembenan da ray arpan inter na Dios ed sikara.

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 22:2

tan onaagos ed pegley na dalan na siudad. Diad balang gilig na ilog, wala ray kiew na bilay. Mambubunga ran binulan, tan saray bolung da et tambal na sakit da ray bansa.