Puyan 2:3 - Maung A Balita Biblia

³ Amtak met a maanos ka, nanirap kan maung lapud siak, tan ag kinmapoy so linawam.

Maung a Balita Biblia

³ Amtak met a maanos ka, nanirap kan maung lapud siak, tan ag kinmapoy so linawam.

Puyan 2:3 Iomraidhean Croise

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Saray Salmo 69:7

Lapud sika alemlemew ak tan mapalaloy inkabaingan ko.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Marcos 15:21

Nabet dad dalan so sakey a lakin manngaray Simon, a nanlapud bario ya oonlad siudad, tan pinasoot dan impasakbat ed sikatoy krus nen Jesus. Si Simon taga Cirene tan ama di Alejandro tan Rufo.

Lucas 14:27

Siopamay ag to sakbatey dilin krus to tan ag ontombuk ed siak, ag nayarin magmaliw a disipulok.

Lucas 18:1

Tinongtong nen Jesus so sakey ya alimbawan pangibangat tod sikara a nepeg day mampikasi lawas tan ag ira nanaekalay ilalo.

Lucas 21:19

Mananos kayo, pian nagamuran yoy tuan bilay.”

Lucas 5:5

“Maistro,” ebat nen Simon, “sanlabi kami lan nansagput, et anggapoy nala mi. Balet lapud ibabagam, ipelag ko ray iket.”

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Juan 15:21

Balet gawaen da yan amin ed sikayo lapud siak, ta ag da kabat so angibakid siak.

Saray Taga Roma 12:12

Manliket kid paniilalo yo, mananos kayod saray kairapan yo, tan mampikasi kayo lawas.

Saray Taga Roma 16:12

Ibanoan yo ak pad kindi Trifena tan Trifosa, a manlilingkur irad Katawan, tan si pinablik a Persida, a pinasyay impankimey to para Katawan.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 8:25

Balet no manilalo tayod ag tayo nanenengneng, anosan tayo ya alagden.

1 CORINTO 13:7

Say aro et ag balut onsuko, tan ag balut naandian na pananisia, ilalo, tan anos.

1 CORINTO 16:16

ya ontoluk kid sikara, tan diad anggan siopan toon mansasagput tan manlilingkur a singa sikara.

2 CORINTO 10:15

Kanyan ag mi ipapasirayew so kimey a ginawa na saray arum a linmabas ed panganggaan ya inter na Dios ed sikami. Maniilalo kami ingen ya ombaleg komuy pananisia yo tan ondakel komuy nagawaan mid sikayo, tan ag komun onlabas ed panganggaan ya inter na Dios ed sikami.

2 CORINTO 11:23

Managlingkur to ra nen Cristo? Mansasalita ak a singa ambagel, balet maung ak nin managlingkur nen Cristo nen say sikara. Dakel niy kinemeyan ko nen sikara, amimpiga-piga ak ya apriso, piga-pigay dinmadapon lewet ed beneg ko, tan naynay ak a walad sangab na lobuk.

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

2 CORINTO 4:16

Lapud saya, ag kamin balut nanaekalay biskeg na linawa. Anggaman ya onkakapoy so laman mi, ombibiskeg ya inagew-agew so ispiritu mi.

2 CORINTO 5:9

Balet say pampirpirawatan mi et say pagmaliw min makapalikliket ed sikato, diad sayan abung o diman ed tawen.

2 CORINTO 6:5

Binabasigan, impripriso, tan ginogolo da kami. Asalsali miy aposaposan ed panagkimey, sanlabin ag naogip, tan ag angan ed pigaran agew.

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.

TAGA GALACIA 6:9

Kanyan ag itayo onsasawan manggaway kamaungan; ta no ag tayo onsawa, andi-saew a manani tayo no onsabi lay panagani.

FILIPOS 2:16

legan yon ipupulong ed sikaray salitan mangiter na bilay. No onyay gawaen yo, nayarian ta kin ikinun no Agew nen Cristo, ta ag adarak iray sagput tan kimey ko.

FILIPOS 4:3

Kekerewen ko met ed sika, matoor kon kaiba, a tulongan mo pa ra yan bibii. Tinmulong pa ni met irad siak diad impangikayat na Maung a Balita, a kaiba ray Clemente tan arum ni ran kakimeyan ko. Akasulat so kangaranan da ed libro na bilay.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

1 TESALONICA 2:9

Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

1 TESALONICA 5:12

Kerewen mid sikayo, agagi, a pagalangan yo ray kumikimey a kaiba yo, ta sikaray pinili na Katawan tan sikaray manangiwanwan tan managsimbawa yo.

2 TESALONICA 3:13

Balet sikayo ran agagi, ag kayo onsasawan manggaway kaabigan.

2 TESALONICA 3:5

Say Katawan iwanwan to kayo komun ed lalon pakapikabat yo ed panangaro na Dios tan say pananos ya iiter nen Cristo.

2 TESALONICA 3:8

Ag kami angawat ed sikayo na antokaman ya ag mi binayaran. Agew-labi kamin nankimey tan nansagput, pian ag kami makabelabelat ed anggan siopa.

1 Timoteo 4:10

Kanyan mankikimey tan mansasagput itayon maung, ta maniilalo tayod mabilay a Dios, say Manangilaban na amin a katoowan, lautlad saray mananisia.

1 Timoteo 5:17

Nakaukolan a dobli so upa ya awaten da ray mamatakken a marakep so pangipapangulo ra, lautlad saray mamapasyan mampupulong tan mambabangat.

Saray Hebreo 10:36

Nakaukolan a mananos kayo, pian nasumpal yoy linaway Dios tan naawat yoy insipan to.

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

Saray Hebreo 6:15

Maanos a nanalagar si Abraham, kanyan agamuran toy insipan na Dios ed sikato.

2 Pedro 1:6

panagadya ed kakabatan yo, panaganos ed panagadya yo, inkatoor ed Dios ed panaganos yo,

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.