Puyan 2:26 - Maung A Balita Biblia

^26-27 Saray manalo tan mansiansian manggawa na linawak ya anggad kaonuran, itdan ko ray pakaoley a singa inawat kod Amak, salanti say panoley ed saray bansa. Manoley irad panamegley na baston a balatyang, tan mekmeken da ran singa banga.

Maung a Balita Biblia

^26-27 Saray manalo tan mansiansian manggawa na linawak ya anggad kaonuran, itdan ko ray pakaoley a singa inawat kod Amak, salatni say panoley ed saray bansa. Manoley irad panamegley na baston a balatyang, tan mekmeken da ran singa banga.

Puyan 2:26 Iomraidhean Croise

Saray Salmo 2:8

Kerew ka, et iter kod sikan amin iray bansa; nakayaryan moy intiron mundo.

Saray Salmo 2:9

Diad panamegley na bastun a balatyang betagen mo ra; mekmeken mo ran singa banga.’”

Saray Salmo 49:14

nigetar iran ompatey a singa saray karniro, tan say Patey so magmaliw a pumapastol da. Taloen ira na saray totoon matonung leleg a naboboluk iray laman da ed panaayaman da ray inaatey ya arawi ed kaabungan da.

Daniel 7:18

Saray totoo na Sankatageyan a Dios et awaten da so panarian tan anggad anggan mansiansiad sikara yan panarian.”

Daniel 7:22

Insan sinmabi may mambibilay ya anggad angga tan sinintinsiaan ton analo ra may totoo na Sankatageyan a Dios. Sinmabiy panaon ya awaten na saray totooy Dios so panarian.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Mateo 19:28

Inkuanen Jesus, “Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Mateo 24:13

Balet nilaban so toon mansiansia ya anggad kasamputan.

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 8:37

Andi! Sarasarag ti ra yan amin a taloen diad panamegley na Dios ya angarod sikatayo!

1 TESALONICA 3:5

Kanyan nen ag ko la nitepel imbakik lad tay Timoteo a mangamta ed kipapasey pananisia yo. Ag la pigan atukso ki la na Diablo tan say sagput mid tan et magmaliw ya andi-kakanaan.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Santiago 2:20

Labay mo nin paneknekan kod sika, makulang-kulang, ya andi-kakanaan so pananisian anggapoy katekep to ran gawa?

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

1 Juan 3:23

Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

1 Juan 5:5

Siopay nayarin manalod sankamundoan? Say toon manisia a si Jesus et Anak na Dios.

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Puyan 2:7

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.